by

SEKOMS Lansa Ofisialmente Kampaña Prevensaun Corona Virus (COVID-19)

SEKOMS Lansa Ofisialmente Kampaña Prevensaun Corona Virus (COVID-19)

Atu prevene ezisténsia Corona Virus iha Timor-Leste, Sekretaria Estadu ba Komunikasaun Sosiál servisu hamutuk ho Ministériu Saúde no Organizasaun Mundiál Saúde (OMS) halo lansamentu ba kampaña prevensaun Corona Virus (COVID-19), ne’ebé hala’o kuarta-feira, loron 18 fulan-marsu tinan 2020, iha sede suku Bairro-Pite, Díli.

Kampaña prevensaun COVID-19 ne’e lansa, ofisialmente, husi Sekretáriu Estadu ba Komunikasaun Sosiál, Merício Juvinal dos Reis “AKARA” akompañadu husi Diretora-Jerál Prestasaun Servisu Ministériu Saúde, Odete Viegas, reprezentante OMS no Xefe Suku Bairro-Pite, João Baptista Belo.

Hafoin lansamentu ofisiál iha suku Bairro-Pite, kampaña prevensaun ne’e mós sei hala’o iha suku sira seluk iha kapitál Díli atu nune’e komunidade sira bele iha koñesimentu báziku kona-ba pandemia ne’e inklui ninia sintoma sira no medida prevensaun ba moras ne’ebé sai ona hanesan preokupasaun globál.

Partisipa iha serimónia lansamentu ne’e, xefe suku sira ho ninia estrutura, komunidade, funsionáriu SEKOMS no entidade relevante.

Comment

Leave a Reply

Your email address will not be published. Required fields are marked *

News Feed