𝐑𝐊𝐃𝐓𝐋 𝐀𝐓𝐔𝐀𝐋𝐈𝐙𝐀 𝐏𝐑𝐎𝐆𝐑𝐄𝐒𝐔 𝐒𝐄𝐑𝐕𝐈𝐒𝐔 𝐁𝐀 𝐒𝐄𝐊𝐎𝐌𝐒.

Dili – 23/2/2023, Ekipa Rádiu Komunidade ba Ema ho Difisiénsia  Iha Timor-Leste ( RKDTL ) Hasoru Malu Ho Sekretáriu Estadu ba Komunikasaun Sosiál, Merício Juvinal dos Reis “AKARA”, Hodi Dadalia Uituan Kona ba Konteúdu Programa no Husu Atu Alarga Tan Área Kobertura ba Área Rur Iha Sala Reuniaun SEKOMS, Palásiu Governu, Kinta-Feira Ne’e.

Iha enkontru ne’e, Jestora Rádiu Komunidade ba ema ho Defisiénsia iha Timor-Leste atualiza mos  progresu servisu RKDTL. Aprezenta mós programa no planu durante  RKDTL prenxe diareamente ho menus fasililidade nomós menus finanseiru.

Hatan ba preukupasaun hirak ne’e, Sekretáriu Estadu ba Komunikasaun Sosiál, Merício Juvinal dos Reis “AKARA”,  apresia ho RKDTL  no mós afirma katak, Rádiu Komunidade tenke sai nain ba komunidade no jere ka kobertura iha área refere, tanba Rádiu Komunidade iha rasik nia ema atu halo kobertura tuir planu ne’ebe planeiadu rasik ona.

Kestaun alarga kobertura ba iha munisípiu nomos área remotas sira, sei rejista hela no ba oin sei hare konseitu alargamentu ida ne’e, hodi halo diskusaun no define  fali natureza  RKDTL nune’e, sei tetu no deskuiti ,karik iha tempu besik iha mudansa politik maka sei hatoó hela rekomensaun ba membru Governu tuir mai.

Ezekutivu mós informa ba RKDTL , tanba agora iha era dijitál atu koopera di’ak ho Rádiu Komunidade Munisípiu sira, hodi transmiti informasaun husi komunidade bele loke deit iha RKDTL liuhosi Rádiu Streaming.

SEKOMS mós husu RKDTL koopera  ho Sekretaria Estadu Ingualidade Inklusivu (SEII) no ONG Plan Internasionál iha Timor Leste, hodi servisu hamutuk promove programa ba feto nian hanesan feto defisiensia potensial.