Departamentu ba Produsaun Audiovizuál
1. Departamentu ba Produsaun Audiovizuál, ho sigla DPA, iha kompeténsia hanesan tuir mai:
a) Jere ho respeitu regra ne’ebé aplikável ba distribuisaun asaun informativa no publisidade Estadu nian, iha termu ne’ebé define husi rejime jurídiku;
b) Hakerek, edita no divulga imajen no pesa áudiu nian (lokusaun, efeitu no trilla sonora no múzika) ba Ministériu no Sekretaria Estadu hotu;
c) Produz programa ba debate televizivu;
d) Produz filme publisitáriu, pesa multimédia no filme sira ba televizaun;
e) Halo roteiru ba pesa áudiu, vídeo no televizaun;
f) Halo filme animasaun no dokumentáriu sira hodi promove atividade Governu nian;
g) Promove peskiza kona-ba filme no dokumentáriu ba promosaun atividade Governu nian;
h) Kria no assegura dijitalizaun ba arkivu vídeo;
i) Ezerse atividade hotu ne’ebé atribui husi superiór sira.
2. DPA lidera husi Xefe Departamentu ida, ne’ebé nomeadu tuir termu rejime jurídiku ba kargu diresaun no xefia husi Administrasaun Públika.