DCSEO -Departamentu ba Komunikasaun Sosiál no Edisaun Online
1. Departamentu ba Komunikasaun Sosiál no Edisaun Online ho sigla DCSEO, iha kompeténsia hanesan tuir mai:
a) Apoia Governu iha konseitu, ezekusaun no avaliasaun ba polítika públika sira ba Komunikasaun Sosiál, buka kualifikasaun husi setór no servisu foun sira Komunikasaun Sosiál nian;
b) Ezekuta medida sira tuir lei ka desizaun sira husi membru Governu ne’ebé responsável ba tutela iha órgaun Komunikasaun Sosiál sira Estadu nian;
c) Promove mekanizmu konsulta públika kona-ba estratéjia no projetu lejizlasaun sira ne’ebé Governu hatene submete ba rejime ne’e;
d) Jere ho lolos konteúdu informativu no edukativu ba informasaun hotu ne’ebé governu fó;
e) Promove peskiza, akizisaun, tratamentu no difuzaun ba informasaun dokumentál, tuir natureza gabinete husi membru Governu hotu no servisu sira ne’ebé hetan apoiu husi Sekretáriu Estadu ba Komunikasaun Sosiál;
f) Elabora no promove ezekusaun planu relasaun públika sira husi Governu, iha nível internu no externu;
g) Organiza dokumentu sira iha ámbitu meiu Komunikasaun Sosiál sira;
h) Asegura ligasaun ho servisu nasionál no estranjeiru ne’ebé iha natureza hanesan ;
i) Kria mekanizmu nesesáriu hodi assegura produsaun informasaun ba sosiedade sivil, relasiona ho polítika no atividade Governu inklui ninia implementasaun, atu promove ninia divulgasaun ho kolaborasaun ho Portal Governu;
j) Hakerek, edita no divulga matéria no notísia sira tuir interese Ministériu no Sekretaria Estadu sira, ho karáter profisionál, inklui jornál, rádiu, televizaun, ajénsia notisioza sira, nasionál no internasionál, no iha Portál rasik;
k) Halo kontaktu no estabelese ligasaun ho jornalista sira husi órgaun komunikasaun oin-oin, fornese ba sira informasaun hotu ka enkamiña ba setór espesífiku Governu nian;
l) Preparar entrevista ho membru governu sira;
m) Akompaña Komunikasaun Sosiál (imprensa, rádiu, televizaun) no meiu divulgasaun seluk, distribui ba membru Governu matéria sira tuir sira nia interese;
n) Halo rejistu fotográfiku ba eventu sira ne’ebé hala’o no sertifika katak rejista ona hanesan propridade Portál nian hodi prevene utilizasaun husi parte terseiru;
o) Atualiza loron-loron Portál Governu nian ho informasaun sira ne’ebé relevante ne’ebé sempre mai ho imajen no programa Governu nian;
p) Sertifika katak informasaun iha online no bele asesu ba lian sira ne’ebé tama iha Portál;
q) Trata ho lolos informasaun hotu ne’ebé solisita husi entidade externa no responde ba hotu-hotu ho kualidade no profissionalizmu, liuhosi meiu ne’ebé utiliza;
r) Divulga komunikadu imprensa sira husi reuniaun Konsellu Ministru;
s) Ezerse atividade hotu ne’ebé atribui husi superiór sira.
2. DCSEO lidera husi Xefe Departamentu ida, ne’ebé nomeadu tuir termu rejime jurídiku ba kargu diresaun no xefia husi Administrasaun Públika.