𝐒𝐄𝐊𝐎𝐌𝐒 𝐒𝐄𝐋𝐄𝐁𝐑𝐀 𝐊𝐎𝐍𝐓𝐑𝐀𝐓𝐔 𝐇𝐎 𝐑𝐀𝐃𝐈𝐎 𝐊𝐎𝐌𝐔𝐍𝐈𝐃𝐀𝐃𝐄 𝟐𝟎

Media Secoms-Notísia, Nasionál-684 views

490985546_122125150808769684_7372850305118772013_n

Dili, 15 Abril 2025, IX governu liuhosi Sekretaria Estadu Komunikasaun Sosial (SEKOMS) selebra kontratu Fundus Transferência Públiku ba Radio Komunidade hamutuk 20 ne’ebé organiza husi Diresaun Nasionál no Dezemvolvimentu Média (DNDM) iha salaun Maria Goreti “SEI” Dili.

Programa selebra kontratu ne’e partisipa husi jestor radio Komunidade no asina direta ho Sekretáriu Estadu Komunikasaun SosiaL (SEKOMS) Expedito Loro Dias Ximenes.

Objetivu husi selebra kontratu nudar programa governu nia hodi apoiu ativu ba estasaun rádiu komunidade sira hodi garante asesu públiku nian ba informasaun ne’ebé foka ba labarik sira, no Inisiativa ida atu hasa’e koñesimentu públiku kona-ba tópiku sira hanesan edukasaun, saúde, saneamentu, ijiene, edukasaun infánsia, no prevensaun violénsia hasoru feto, labarik-feto, no labarik sira.

Iha ámbitu selebrasaun kontratu Sekretariu Estadu Komunikasaun Sosial Expedito Loro Dias Ximenses husu nafatin ba radio komunidade atu halo kobertura másimu ba asuntu prioridade ne’ebe liga ba atividade Komunidade hanesan agrikultura, saúde, turismu no kultura.

Planu governu nia ba oin sei hari’i tan estasaun radio Komunidade rua ne’ebé sei estabelese iha postu administrativu Laklubar Munisipiu Manatuto no ida seluk sei estabelese postu administrativu Balibo Munisipiu Bobonaro.