Sekretária Estadu ba Komunikasaun Sosiál, 𝐒𝐞𝐥𝐟𝐢𝐚𝐧𝐚 𝐒𝐨𝐢 𝐝𝐚 𝐆𝐫𝐚𝐬𝐚, hateten, husi atividade ne’e nia aprende oinsá bele fiar aan liu tan hodi lidera atividade sira.
𝐒𝐞𝐥𝐟𝐢𝐚𝐧𝐚 𝐒𝐨𝐢 𝐝𝐚 𝐆𝐫𝐚𝐬𝐚, hato’o afirmasaun ne’e, bainhira hala’o enkontru regulár ho funsionáriu SEKOMS. Atividade ne’e akompaña direita husi husi S.E, Sekretáriu Estadu ba Komunikasaun Sosiál, Sr. Merício Juvinal dos Reis”AKARA”, no funsionáriu SEKOMS, Tersa-feira, loron 04 fulan-Outubru, tinan-2022, iha sala reuniaun SEKOMS, Palásiu Governu, Dili.
“Ha’u sei fahe esperiénsia ne’ebé ha’u hetan ba ha’u-nia belun sira. Ha’u mos agradese ba S.E. SEKOMS ne’ebé fó ona oportunidade ne’e mai ha’u iha Oras balun nia laran. Espera katak ba oin nafatin fo oportunidade ne’e mós ba labarik Feto sira seluk hodi bele hasa’e mos sira-nia fiar no aan no aumenta sira-nia esperiénsia liu hosi kapasidade ne’ebé sira iha”. tenik “Selfiana”
Iha fatin hanesan, Assesora Prinsipál SEKOMS , Anjelonia Soares de Araújo, nia esklarese katak, maske labarik kiik, maibé iha oportunidade ne’ebé previléjiu tebes hodi assumi kna’ar ne’e no nia hanesan jerasaun foun nia prontu kontribui ba nasaun RDTL.
Entertantu iha enkontru ne’e, Sekretária Estadu ba Komunikasaun Sosiál, 𝐒𝐞𝐥𝐟𝐢𝐚𝐧𝐚 𝐒𝐨𝐢 𝐝𝐚 𝐆𝐫𝐚𝐬𝐚, akompañadu husi Xefe Gabinete SEKOMS, hala’o vizita iha fatin servisu no fo koñesimentu ba Funsionáriu SEKOMS nian.
𝐒𝐞𝐥𝐟𝐢𝐚𝐧𝐚 𝐒𝐨𝐢 𝐝𝐚 𝐆𝐫𝐚𝐬𝐚 ho Anjelonia Soares de Araújo, ho tinan 13 Anos, husi Munisípiu Aileu.
Enkontru ne’e partisipa husi, Xefe Gabinete SEKOMS, Tékniku Espesializadu no Profisionál SEKOMS, Funsionáriu SEKOMS Jerente Plan Internasionáll ba Programa Labarik Feto, Juventude no Igualdade Jéneru ho nia Ekipa.
Programa ne’e, Organiza husi iha Plan Internasionál, relasioná ho selebrasaun loron Internasionál ba labarik feto ne’ebé sei hala’o iha loron 11 fulan-Outubru ba tinan-2022.
Comment