ATENSAUN!
🚨Banco Central de Timor Leste (BCTL)
Oinsá atu identifika se ita-boot nia osan 200 centavos ne’e jenuínu? 🪙✨
ALERTA: molok atu simu ka pasa osan centavos ida, persija tau atensaun ba regra 3 mak hanesan: 1 HAREE, 2. SENTE/KAER 3. KOKO
Koñese didiak karakteristika imagem ou figura sira iha moeda centavos ho metodu verifikasaun simples hanesan tuir mai:
– Haree, imagem, letra, númeru
– Sente/kaer: iha imagem, letra, númeru ho kualidade diak
– Koko: Moeda mutin hanesan 1 centavos, 5 centavos ho 10 centavos iha kompozisaun besi aço
🔍 HAREE: Moeda auténtiku iha destake sira ne’ebé klaru:
karaktesitika Geral: ho naran “REPÚBLICA DEMOCRÁTICA DE TIMOR-LESTE” ho asentu iha (Ú no Á) no tinan “2017”
karakteristika Espesial: ho imajen KARAU, FOHO ho NATAR LARAN, iha Parte ninin haleu kabe’er interkaladu ho tarak.
✋⚖️SENTE: Sente ninin! Ida-ne’e tenke iha umidade ne’ebé regulár no espasu no kualidade ne’ebé di’ak.
⚖️ KOMPARA: Osan-besi falsu normalmente kmaan no mihis liu, ka iha kór ne’ebé diferente ho metal orijinál.
❌ Bainhira hetan osan-besi ne’ebé deskonfia?
Bainhira halo tranzasaun ruma (sosa kafa’an sasan) maka suspeita katak Moeda 200 Centavos Falsu, labele fó fila fali osan ne’e ba sirkulasaun, favór asegura hela moeda ne’e no komunika kedas ba Banco Central no iha munisípiu no área rural sira, kazu hanesan bele mós relata ba PNTL, PSIC no Autoridade lokál iha nivel Postu, Suku no Aldeia sira nune’e bele ható ba parte kompotente sira.
Ikus liu Husu ba komunidade atu nafatin utiliza ita nia osan centavos husi 1c, 5c, 10c, 25c, 50c, 100c ho 200c no nafatin tau konfiansaba autoridade kompetente sira nomós ko’opera hodi identifika no buka tuir kriminozu sira hodi responsabiliza ba aktus pruduz no sirkula osan 200 centavos falsu iha ita nian rain.
Banco Central sei foti medidas adekuadu haktuir kompeténsia ne’ebe Lei fó hodi asegura nafatin sirkulasaun moeda ofisial (Centavos no notas Amerikanu) iha Timor-Leste.
Ajuda proteje ita nia ekonomia! Favór fahe tutan avizu ida-ne’e ba ita-bo’ot sira nia belun no família hotu nia atensaun.
Comment