Sekretáriu Estadu ba Komunikasaun Sosiál, Merício Juvinal dos Reis “AKARA”, hamutuk ho Prezidente Konsellu Imprensa Timor-Leste(CI-Sigla Portugés), Virgílio da Silva Guterres, partisipa iha atividade impozisaun aprezentasaun kona-ba konseitu báziku estabelesimentu CEFTEC ba iha futuru Institutu Profisionál Komunikasaun no Multimedia Timor-Leste (IPKOM-TL), ne’ebé maka prepara no aprezenta husi ekipa Diresaun Nasionál Sentru Formasaun Téknika iha Komunikasaun (CEFTEC-Sigla Portugés)-SEKOMS, iha kuarta, loron 16 fulan-juñu, tinan 2021, salaun Auditóriu-PCM, Palásiu Governu, Dili.
Objetivu husi atividade ne’e atu halibur no akumula preokupasaun no sujestaun sira husi parseiru sira, Asesór/a SEKOMS no Tékniku Espesializada sira hodi dezenvolve di’ak liu tan draf konseitu báziku estabelesimentu IPKOM-TL.
Ekipa aprezentadór ba impozisaun refere lidera husi Diretór interinu, Sr. Paulino Kintas, atuál Diretór DNPDML-SEKOMS.
Iha impozisaun ne’e partisipa mos husi Asesór/a SEKOMS, Xefe Gabinete SEKOMS, Tékniku Espesializada SEKOMS no Funsionáriu husi Diresaun Nasionál CEFTEC.
Comment