DILI, MÍDIA SECOMS — Governu da-IX ne’ebé lidera hosi Kay Rala Xanana Gusmão afirma ninia kompromisu atu hametin dezenvolvimentu infraestrutura nasionál. Foku prinsipál maka iha reabilitasaun no konstrusaun estrada estratéjiku sira, ne’ebé liga munisipal oioin hosi área sentrál ba área remota sira. Abordajen ida-ne’e dezeña nu’udar fasilidade fíziku no baze krusiál ida ba mobilidade, konetividade, no integrasaun sosio-ekonómiku iha nasaun tomak.
Aleinde estrada, governu foka hela ba setór infraestrutura seluk ne’ebé suporta ema nia moris loroloron, hanesan transporte, enerjia, no servisu públiku. Esforsu ida-ne’e reflete estratéjia dezenvolvimentu ida ne’ebé komprensivu, iha-ne’ebé hadi’a kualidade infraestrutura nian haree hanesan pilár xave ida ba hadi’a moris-di’ak sidadaun nian ho sustentável.
Resposta públiku nian ba polítika ida-ne’e pozitivu tebes. Rezidente lokál sira espresa ona apresiasaun ba governu nia prioritizasaun konsistente ba dezenvolvimentu nasionál. Rekoñesimentu ne’e konfirma katak, investimentu iha infraestrutura nu’udar impaktu ba ekonomia, fó sentidu seguransa no hadi’a kualidade moris ba komunidade iha territóriu nasionál tomak.
Aprosimasaun ida-ne’e aliña ho planu estratéziku dezenvolvimentu nasionál, ne’ebé subliña importánsia infraestrutura hanesan katalizadór ba kreximentu ekonómiku no oportunidade hanesan. Rehabilitasaun no konstrusaun estrada no instalasaun apoiu nian ho objetivu atu fasilita distribuisaun sasán no servisu, fornese asesu ekuitativu liu ba edukasaun, kuidadu saúde, no servisu sosiál sira-seluk.
Governu anteriór hakarak atu rezolve kestaun infraestrutura nian ho maneira planeadu maibé la konsege. Ohin loron, nesesidade públiku muda ona hosi programa temporáriu “Sesta Bázika” ba inisiativa dezenvolvimentu nasional ne’ebé bele fó benefísiu ba tempu naruk no hadi’a sidadaun sira-nia kualidade moris. Programa Sesta-Bázika uza osan públiku hodi sosa sasán no hahán husi rai-li’ur, ne’ebé fó de’it benefisiu ba ema baun de’it. Tanba ne’e, reklamasaun katak programa sesta-bazika ne’e iha prioridade liu konstrusaun no rehabilitasaun estrada no infraestrutura estratéjiku, ne’e narativa laiha logika iha politika desenvolvimentu nasaun nian.
Governu da-IX konsege halo balansu ba dezenvolvimentu ba tempu naruk ho nesesidade komunidade lokál sira nian. Komunikasaun polítika ne’ebé transparente no inkluzivu ne’ebé krusiál atu asegura katak projetu infraestrutura hotu fó benefísiu direta ba populasaun sira. Nune’e, planu dezenvolvimentu governu da-IX nian hatudu, kombinasaun vizaun estratéjiku, implementasaun profisionál, no preokupasaun ba bem-estar públiku. REMATA
Comment