S.E, Sekretáriu Estadu Arte no Kultura, Sr. Teofilo Caldas, priense iha programa “Meet the Press” edisaun ba dala sanulu resin lima, ho tópiku “ATINJIMENTU “TOP FIVE” DURANTE MANDATU NO PROGRAMA PRIORIDADE NE’EBÉ SEI INPLEMENTA”

S.E, Sekretáriu Estadu Arte no Kultura, Sr. Teofilo Caldas, priense iha programa “Meet the Press” edisaun ba dala sanulu resin lima, ho tópiku “ATINJIMENTU “TOP FIVE” DURANTE MANDATU NO PROGRAMA PRIORIDADE NE’EBÉ SEI INPLEMENTA”, kuarta-feira, loron 03 fulan-Agosto, tinan 2022, iha Auditóriu-PCM, Palásiu Governu, Dili.

Objetivu husi “Meet the Press” ne’e hodi ko’alia kona-ba atinjimentu rezultadu servisu husi SEAC nian . No programa, planu ne’ebé sei implementa iha tinan ida ne’e nia laran no ba oin.

Programa ne’e organiza husi SEKOMS tuir orientasaun S.E, Primeiro Ministru, no akompaña direta husi S.E, Sekretáriu Estadu ba Komunikasaun Sosiál, Sr. Merício Juvinal dos Reis “AKARA”.

SEKOMS kontinua halao’o programa Meet the press ne’ebé tuir planu programa ne’e sei kontinua to’o fim do ano. Ne’e hanesan oportunidade di’ak atu membru Governu sira hasoru malu no koa’lia ho mídia sira kona-ba atinjimentu sira no planu saida mak sei halo tan antes VIII Governu Konstitusionál termina nia mandatu.

Meet the Press ne’e halo transmisaun direta husi kanál TVE, partisipa husi, Media nain sira, jornalista ONG Luta Hamutuk no Tékniku Espesializadu SEKOMS.