SEKOMS apresia servisu Rádiu Komunidade Maliana.

SEKOMS apresia servisu Rádiu Komunidade Maliana.

Sekretáriu Estadu ba Komunikasaun Sosiál Merício Juvinal dos Reis “AKARA”, apresia ho servisu pesoál no jornalista sira iha Rádiu Komunidade Maliana tanba maski hasoru difikuldade oin-oin, maibé kontinua hala’o servisu ho di’ak hodi divulga informasaun ba públiku.

Merício Juvinal dos Reis “AKARA”, hato’o apresiasaun ne’e wainhira hala’o vizita ba Rádiu Komunidade Maliana, iha loron 17 fulan jullu tinan 2020, hodi hatene progresu servisu Rádiu Komunidade nian.

Governante ne’e haktuir, SEKOMS sei kontinua akompaña servisu Rádiu Komunidade sira nian tanba durante ne’e hetan apoiu husi Governu no vizita ida ne’e ho intensaun atu haree besik liután kondisaun Rádiu Komunidade Maliana.

“Hau apresia ho ita-boot sira nia servisu, ita-boot sira nafatin halo servisu ho diak, fasilita jornalista sira ho diak hodi hala’o sira nia servisu. Sei kolabora ho ita nia parseiru sira hodi apoiu fasilidade sira iha ne’e”, afirma SEKOMS.

Merício Juvinal dos Reis “AKARA”, apresia Rádiu Komunidade Maliana ne’ebé hatudu progresu servisu ne’ebé di’ak no la depende deit ba governu.