Segunda feira ne’e ,Sekretáriu Estadu ba Komunikasaun Sosiál,(SECOMS) Merício Juvinal dos Reis “AKARA”, hala’o enkontru ho Primeiru Ministru, Taur Matan Ruak hodi atualiza informasaun kona ba servisu nian. Loron 24/10/22, iha sala reuniaun PM, Palásiu Governu, Dili.
“Objetivu ohin enkontru ho Primeiru Ministru, atu atualiza progresu servisu Ministériu nian, liga ba debate orsamentu jerál estadu iha tempu badak sei hahú, no servisu sira seluk ne’ebé ligadu ho servisu média nian hodi divulga nafatin informasaun kona ba mandatu VIII Governu nian, nune’e hetan apresiasaun husi sidadaun hotu”. Hateten AKARA.
Liga ba assuntu seluk, governu nia pozisaun nafatin mantein Liberdade Imprensa(KI) no Liberdade Espresaun hanesan baze ida atu dezenvolve média no demokrasia iha rai ida ne’e.
AKARA mos salienta liu tan katak , ita iha lei sira, tanba Konsellu Imprensa(KI) no Lei Komunikasaun Sosiál bele sai parseiru ida atu resolve problema. wainhira media sala ruma karik, utiliza lei sira ne’ebé mak eziste liu – liu lei komunikasaun sosiál, se iha ema balun mak la kontente ho publikasaun notísia balun, lei komunikasaun fo dalan atu fó direitu ba resposta, no evita atu kriminaliza, iha mós konsellu imprensa atu hato’o preokupasaun sira hodi tau atensaun ba kodé etika sira ne’ebé iha ona, produtu jornalistiku nian mak tuir ita nia hakarak, dalan mak uza lei komunikasaun sosiál nian iha lei kodigu penal, kodigu sivil hodi fo dalan, ba sidadaun hotu – hotu, nune’e ita nia indeks ka prestasaun servisu iha mundu ne’e aseguradu ho di’ak.
Sei tau matan ba média ne’ebé tutela iha Governu no wainhira problema tama ona iha justisa. Governu labele halo intervensaun no akompaña saida deit mak bele kontribui hodi bele rezolve problema ne’e ho di’ak, la hakanek mós Liberdade imprensa.
Iha sorin seluk, liga ba assuntu seluk kona ba sensibilizasaun literasia dijitál kuaze 60-70%, utilizasaun internet husi idade 16-20 anos idade husi estudantes sekundária sira. Governu liu hosi SEKOMS, hala’o nafatin kampaña kombate lia falsu (HOAX) no promove Internet Saúdavel ba eskola Sekundáriu sira, nomos munisípiu kuaze sanulu ona husi munisípiu Dili no Munisípiu sira, ninia objetivu mak atu promve edukasaun sivika ba estudante sira hodi tama iha erá dijitál ho matenek, koñesimentu kritiku hodi uza internet ho pozitivu.
Ezekutivu ne’e informa liu tan katak Governu lakoi husik nia sidadaun sira sai vitima ba internet no telephone matenek (Smartphone), governu hakarak sidadaun sai Autór ba utiliza telefone matenek (smartphone) ba nasaun nia di’ak.
Governo mos prometidu atu nafatin hala’o kampaña sensibilizasaun literasia no oinsá uza Plataforma dijitál. Nune’e prepara nia emar sira ne’ebe utiliza telephone matenek (smartphone) atu ho hanoin rasio no utiliza deit ba humanidade (internet for humanity).tamba utilizador rede internet iha mundu agora hanesan dereitu ne’ebe Timor Leste nudar pais kiik ida, hakarak ka lakohi tenki prepara nia ema sira hodi simu desenvolvimentu globalizasaun.
 |
ReplyForward
|
Comment