S.E, SEKOMS, Merício “AKARA”, hala’o sorumutu ida ho Prezidente Konsellu Imprensa, Sr. Virgillio Guterres, iha sexta-feira, loron 05 fulan-novembru, tinan-2021, iha sala reuniaun SEKOMS, Palásiu Governu, Dili.
Objetivu husi enkontru ne’e, hodi koa’lia kona-ba orgaun komunikasaun sosiál nian sira ne’ebé la’o ona no KI mós husu SEKOMS bele fó espasu sala balun iha rádiu Metro nian hodi apoiu iha KI nia servisu.
Iha enkontru ne’e mós diskute hamutuk hodi aselera konstrusaun ba edifísiu Uma komunikasaun ne’ebé tau ona iha planu anterior.
Aleinde iha enkontru ne’e KI ho SEKOMS koopera hamutuk hodi haree ba esbosu peskiza relatóriu nesesidade jornalizmu nian iha Timor-Leste.
Ikus liu, SEKOMS ho KI kompromete atu servisu hamutuk nafatin iha área komunikasaun nian.
Iha enkontru ne’e akompaña husi Ekipa Konsellu Imprensa, Asesora Juridika SEKOMS, Diretór CEFTEC no Teknika Espesializada SEKOMS.
Comment