𝐃𝐢𝐥𝐢, 𝟐𝟖 𝐀𝐛𝐫𝐢𝐥 𝟐𝟎𝟐𝟓, IX Governu Konstituisionál liuhosi Sekretaria Estadu komunikasaun Sosiál (SEKOMS) servisu hamutuk ho Ajénsia Internasionál Chilfund Timor-Leste (CFTL) segunda-feira ne’e lansa dahuluk Jornál Parede dijitál ne’ebe hahu ona hosi Escola Tecnica Informatica-Dili (ETI-DILI) , lansamentu ne’e realija iha salaun ETI Fomentu 2 Dili.
Lansamentu Jornál parede dijital ne’e inisia husi programa IX governu Konstitusionál liuhosi SEKOMS ne’ebe servisu hamutuk ho parseria internasional Chilfund Timor-Leste ho objetivu nudar estratejia ida ba area estudante hotu hotu hodi bele haforsa kreatividade husi konteudu literativu sira rekursu multimedia.
Reprezentante Sekretariu Estadu komunikasaun Sosial atual Vise-Ministru ba Asuntus Parlamentares (V-MAP) Aderito Hugo da Costa iha sermonia lansamentu ne’e esplika, programa jornal parede dijital ne’e hanesan meus ida atu espresa estudante sira nia kreatividade no kapasidade iha nivel eskola, IX governu nia partisipaaun iha programa ida ne’e atu fo apoiu ba kretividade, inovativu ne’ebe mosu iha eskola sira no governu fasilita hodi haforsa setor ida ne’e ho diak iha setor edukasaun.
Jornal parede dijital ne’e lansa husi Reprezentante Sekretariu Estadu komunikasaun Sosial atual Vise-Ministru ba Asuntus Parlamentares (V-MAP) Aderito Hugo da costa, ne’ebe akompaña mos hosi Alzira dos Reis nudar Diretora CFTL, Prezidenti klibur mata dalan Pedro ximenes, Diretor Eskola ETI-Dili João Gaio, Diretor Jeral SEKOMS Florindo da Costa, Diretor Nasional PSIK Vicente Fernandes Brito no Prezidente Assosiasaun Informasaun Komunikasaun no Teknolojia – Timor Leste (ICT-TL) Natalio Raimundo Soares.
Comment