SEKOMS konsidera no apresia petisaun ne’ebé jornalista balun halo hasoru reprezentante AJTL ne’ebé eleitu hodi ba tur iha Konsellu Imprensa

Merício Juvinal dos Reis “AKARA” hato’o apresiasaun ne’e wainhira hasoru malu ho reprezentante petisionáriu, segunda-feira, loron 13 fulan-jullu tinan 2020, iha sala reuniaun SEKOMS, Palásiu Governu, Dili.

Ezekutivu ne’e hateten sidadaun hotu-hotu iha direitu atu halo kontestasaun wainhira konsidera prátika balun la tuir lei.

SEKOMS afirma petisaun ne’e refere liu ba lei komunikasaun sosiál, tanba ne’e SEKOMS iha responsabilidade atu tau atensaun hodi bele asegura katak lei komunikasaun sosiál ne’e funsiona tuir normal legál.

Merício Juvinal dos Reis “AKARA” apela ba órgaun komunikasaun sosiál sira tenki konsidera lei komunikasaun sosiál hanesan matadalan ida wainhira hala’o knaar.