SEKOMS partisipa iha Jornada Orsamentál ba tinan 2020-2021
Sekretáriu Estadu ba Komunikasaun Sosiál, Merício Juvinal dos Reis “AKARA” hamutuk ho membru Governu sira seluk partisipa, tersa-feira, loron 4 fulan-agostu tinan 2020, iha Auditóriu Ministériu Finansas, Dili iha Jornada Orsamentál hodi diskuti kona-ba Orsamentu Jerál Estadu ba tinan 2020 no 2021.
Jornada Orsamentál ne’ebé prezidi husi Primeiru-Ministru, Taur Matan Ruak, ne’e ho intensaun atu defini kona-ba prioridade Governu nian ba tinan oin, konfirma tetu orsamentál no halo análize ba medida rekuperasaun ekonómika no kresimentu.
Iha ámbitu Jornada Orsamentál ne’e, Komisaun ba Elaborasaun Planu Rekuperasaun Ekonómika halo aprezentasaun kona-ba planu preliminár ba rekuperasaun ekonomia nasionál ba membru Governu sira hodi diskuti.
Comment