Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o afirmasaun ne’e, hafoin hala’o Diálogu Komunitária iha suku “FUAT”, iha kinta-feira, loron 01 fulan-jullu, tinan 2021, iha Postu-Administrativu Iliomar, Munisípiu Lautem.
Merício Juvinal dos Reis “AKARA” afirma, diálogu refere konsege fasilita komunikasaun dada besik Governante ho sidadaun sira hodi iha komunikasaun ne’ebé besik.
SEKOMS hateten, iha Programa Naroman ba Suku, Edukasaun Sivika tenke iha nune’e hanorin ema oinsá uza plataforma dijitál ho matenek hodi fahe informasaun pozitivu, liuliu jovem sira.
Ezekutivu ne’e esklarese, programa ne’e mós atu lori Governu ba iha komunidade nia leet hodi hatan ba ejijénsia no preokupasaun sira husi komunidade.
Iha fatin hanesan Xefe Suku “Fuat”, Martins Pinto, apresia ho programa ne’ebé SEKOMS halo no lori komunidade hakbesik ba Governu hodi hato’o preokupasoens ba Ministériu relevante.
Martins Pinto, hatutan lori komunidade Suku “FUAT”nia naran hateten, suku “FUAT”, prontu simu programa naroman ba suku.
Autoridade Suku “FUAT”, ne’e mós garante katak sei iha sustentabilidade ne’ebé di’ak bainhira SEKOMS harii duni Sentru Informasaun Suku ne’e.
Antes hala’o diálogu komunitáriu ne’e, membru Governu sira hala’o vizita ba Restos Mortais, iha Erois Libertasaun Nasionál, iha Iliomar.
Iha diálogu komunitáriu ne’e, partisipa husi Vise-Ministru Agrikultura no Peskas, Abílio Xavier de Araújo, Vise-Ministru Justisa, José Caetano, Prezidente Konsellu Imprensa, Virílio Guterres, Prezidente Tatioli,IP, Manuel Pinto, Administardor Postu Iliomar, Administrador Munisípiu Lautem, PNTL, Lider Komunitáriu, Padre no Madre husi Parokia Iliomar inklui komunidade sira.
Comment