Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho Visé-Ministru Obras Públika,

Nicolau Lino Freitas Belo, segunda-feira, loron 13 fulan-setembru, tinan 2021, iha sala reuniaun SEKOMS, Palásiu Governu, Dili .

Iha enkontru ne’e, koa’lia kona-ba koordenasaun servisu no atualiza mós informasaun sobre proposta dada eletrisidade iha Aldeia Soekili, Suku Parlamentu, Munisípiu Lautem, ne’ebé komunidade sira hato’o ba SEKOMS ho Vise-MOP, durante ne’e hala’o diálogu komunitáriu Programa “Naroman ba Suku”.

Aleinde ne’e mós Vise-MOP, Nicolau Lino Freitas Belo, haktuir katak, prosesu atu dada eletrisidade la’o ona no espera iha inisíu tinan 2022 ahi bele lakan ona iha Aldeia Soekili.

Hatan ba ida ne’e Sekretáriu Estadu ba Komunikasaun Sosiál, Merício Juvinal dos Reis “AKARA”, apresia ba Vise-MOP ba koordenasaun servisu ne’ebé la’o ona.