𝐉𝐮𝐯𝐞𝐧𝐭𝐮𝐝𝐞 𝐌𝐚𝐤 𝐅𝐮𝐭𝐮𝐫𝐮 𝐋𝐢𝐝𝐞𝐫𝐚𝐧𝐬𝐚 𝐓𝐢𝐦𝐨𝐫 𝐍𝐢𝐚𝐧

𝐕𝐈𝐈𝐈 𝐆𝐨𝐯𝐞𝐫𝐧𝐮 𝐊𝐨𝐧𝐬𝐭𝐢𝐭𝐮𝐢𝐬𝐢𝐨𝐧𝐚́𝐥 𝐥𝐢𝐮 𝐡𝐮𝐬𝐢 𝐒𝐞𝐤𝐫𝐞𝐭𝐚𝐫𝐢𝐚 𝐄𝐬𝐭𝐚𝐝𝐮 𝐛𝐚 𝐊𝐨𝐦𝐮𝐧𝐢𝐤𝐚𝐬𝐚𝐮𝐧 𝐒𝐨𝐬𝐢𝐚́𝐥(𝐒𝐄𝐊𝐎𝐌𝐒), 𝐧𝐚𝐟𝐚𝐭𝐢𝐧 𝐭𝐚𝐮 𝐢𝐦𝐩𝐨𝐫𝐭𝐚́𝐧𝐬𝐢𝐚 𝐛𝐚 𝐩𝐚𝐩𝐞𝐥 𝐣𝐮𝐯𝐞𝐧𝐭𝐮𝐝𝐞 𝐧𝐢𝐚𝐧, 𝐧𝐮𝐧𝐞’𝐞 𝐦𝐞𝐥𝐥𝐨𝐫𝐚 𝐩𝐞𝐧𝐬𝐚𝐦𝐞𝐧𝐭𝐮 𝐤𝐫𝐢𝐭𝐢𝐤𝐮 𝐡𝐨 𝐦𝐚𝐭𝐞𝐧𝐞𝐤 𝐡𝐨𝐝𝐢 𝐩𝐫𝐞𝐩𝐚𝐫𝐚 𝐣𝐨𝐯𝐞𝐦 𝐬𝐢𝐫𝐚 𝐬𝐚𝐢 𝐥𝐢𝐝𝐞𝐫𝐚𝐧𝐬𝐚 𝐢𝐡𝐚 𝐟𝐮𝐭𝐮𝐫𝐮. 𝐓𝐚𝐧𝐛𝐚 𝐟𝐮𝐭𝐮𝐫𝐮 𝐚𝐭𝐮 𝐥𝐨𝐫𝐢 𝐓𝐢𝐦𝐨𝐫 𝐋𝐞𝐬𝐭𝐞 𝐛𝐚 𝐦𝐮𝐧𝐝𝐮 𝐧𝐨 𝐤𝐨𝐦𝐩𝐞𝐭𝐞 𝐡𝐨 𝐧𝐚𝐬𝐚𝐮𝐧 𝐬𝐞𝐥𝐮𝐤 𝐢𝐡𝐚 𝐣𝐮𝐯𝐞𝐧𝐭𝐮𝐝𝐞 𝐬𝐢𝐫𝐚 𝐧𝐢𝐚 𝐥𝐢𝐦𝐚𝐧.

SEKOMS mós kontinua sosializa direitu liuhosi plataforma dijitál sira ne’ebé estabelese husi SEKOMS ho pensamentu kritiku ho sivilizasaun ba juventude sira. Lia hirak ne’e hato’o husi Sekretáriu Estadu ba Komunikasaun Sosiál, Merício Juvinal dos Reis “AKARA”, iha Gabinete SEKOMS, Kinta-feira, loron 10 fulan-Novembru, tinan-2022.

Atu halo mudansa ba Jovem sira hahú agora ba oin investe no kapasita sira, labele husik situasaun atuál atu domina nune’e bele estraga sira nia futuru no lahatene atu halo saida no atu ba ne’ebé iha futuru oin mai. Tanba futuru no lahatene atu halo saida no atu ba ne’ebé iha futuru oin mai. Tanba juventude mak autór ba dezenvolvimentu no sai airin nasaun nian.

“Autór sivilizasaun ba mudansa pensamentu iha hahalok no karakter nia autór mak jovem, tanba ne’e SEKOMS nafatin alerta no apelu liu husi servisu média nian ba juventude sira tanba lideransa iha futuru ba Timor-Leste no mundu mak jovem” hateten “AKARA”.

Governante ne’e salienta liu tan katak, jovem sira tenki matenek utiliza média ho kuidadu, uza meius dijitalizasaun hodi fahe matenek ba jovem sira seluk. Husu mós ba jovem sira atu labele uza plataforma dijitál ho pensamentu negativu no la fó benefísiu ba a’an, familia no nasaun hodi halo konfrontu iha bairro-bairro.

Wainhira jovem barak komite krime organizadu nomós esponta hodi halo estabilidade iha fatin fatin, hatudu imajem Timor-Leste nian ladi’ak ba nasaun seluk nomós ema iha rai seluk ne’ebé hakarak, vizita hodi passa vida mai Timor-Leste labele mai.

Nasaun atu ba oin, iha jovem nia liman, atu sala ka loss ne’e servisu justisa nian, polisia nafatin seguransa, SEKOMS hakarak kontribui barak ba kontiúdu pozitivu nasaun nian iha média sosiál, tanba nasaun kiik maibé nakonu ho ema matenek, iha pensamentu kritiku, valor, kultura, sivilizasaun mak aas.

Agora ne’e, era dijitál, jovem barak uza telefone matenek (smarthphone), iha média konvensionál ema hotu ladun uza telefone matenek tanba iha média konvensionál ema hotu hotu ladun uza telefone matenek, tanba ne’e oras 24 ema atualiza fahe no simu informasaun iha kontiúdu pozitivu no negativu maibé depende ema uza ho konsiénsia atu bele fó benefisiu di’ak ba sira.

“Dadus hatudu mai ita katak, maioria jovem uza plataforma dijitál ho matenek iha meius komunikasaun. Governu nafatin husu ba jovem sira atu uza meius komunikasaun hanesan sai fontes edukasaun ne’ebé inspira malu” hateten “AKARA”.

Iha kontextu agora SEKOMS iha polítika halo programa ida hanaran apoiu “Jovem iha Média”, hodi fó formasaun natoon, no akompaña nafatin jovem sira iha prosesu uza plataforma dijitál.

Governu liu husi SEKOMS nia parte fasilita jovem iha média no hanoin sei kolabora ho Sekretáriu Juventude no Desportu( SEJD) hodi fasilita jovem sira iha seitór hotu iha siénsia téknolojia hodi promove nasaun Timor-Leste ba rai liur.

“AKARA” mós informa tuir dadus ne’ebé mak iha, plataforma dijitál kada loron aumenta ba bebeik ne’e hanesan sinál ne’ebé di’ak, maske nasaun kiik, maibé la lakon ho nasaun sira modernu.

Ezekutivu ne’e mós husu jovem sira utiliza plataforma dijitál ho matenek, tanba kontiúdu ho pozitivu no negativu. Nafatin atu eskolla informasaun ne’ebé loos no kredivel mak fahe tutan (share).

Governante ne’e enkoraja mós, nafatin ba média sira atu, hamosu programa oin-oin hodi promove talentu no kreativu juventude sira nian nomós hamosu konteúdu oinsá kapasitasaun ba juventude sira liu husi programa hodi inspira jovem sira hotu.