𝗦𝗘𝗞𝗢𝗠𝗦 𝗥𝗲𝗹𝗮𝘁𝗮 𝗥𝗲z𝘂𝗹𝘁𝗮𝗱𝘂 𝗣𝗲𝘀𝗸𝗶𝘇𝗮 𝗟𝗶𝘁𝗲𝗿𝗮𝘀𝗶𝗮 𝗗𝗶𝗷𝗶𝘁𝗮́𝗹 𝗜𝗵𝗮 𝗦𝗲𝗺𝗶𝗻𝗮́𝗿𝗶𝘂 𝗡𝗮𝘀𝗶𝗼𝗻𝗮́𝗹 𝗔𝗽𝗿𝗲𝘇𝗲𝗻𝘁𝗮𝘀𝗮𝘂𝗻 𝗥𝗲𝘇𝘂𝗹𝘁𝗮𝗱𝘂 𝗣𝗲𝘀𝗸𝗶𝘇𝗮 𝗢𝗶𝗻𝘀𝗮́ 𝗦𝗶𝗱𝗮𝗱𝗮𝘂𝗻 𝗡𝗶𝗮 𝗔𝘀𝗲𝘀𝘂 𝗯𝗮 𝗠𝗲𝗶𝘂 𝗞𝗼𝗺𝘂𝗻𝗶𝗸𝗮𝘀𝗮𝘂𝗻

𝗗𝗶𝗹𝗶 – ( 𝟭𝟬/𝟭𝟭/𝟮𝟬𝟮𝟮 ), 𝗦𝗲𝗸𝗿𝗲𝘁𝗮́𝗿𝗶𝘂 𝗘𝘀𝘁𝗮𝗱𝘂 𝗯𝗮 𝗞𝗼𝗺𝘂𝗻𝗶𝗸𝗮𝘀𝗮𝘂𝗻 𝗦𝗼𝘀𝗶𝗮́𝗹, 𝗠𝗲𝗿𝗶́𝗰𝗶𝗼 𝗝𝘂𝘃𝗶𝗻𝗮𝗹 𝗱𝗼𝘀 𝗥𝗲𝗶𝘀 “𝗔𝗞𝗔𝗥𝗔”, 𝗻𝗼𝗺𝗲𝗶𝗮 𝗫𝗲𝗳𝗲 𝗚𝗮𝗯𝗶𝗻𝗲𝘁𝗲 𝗦𝗘𝗞𝗠𝗦, 𝗢𝘀𝗼𝗿𝗶𝗼 𝗔𝗹𝗺𝗲𝗶𝗱𝗮 𝗵𝗮𝘁𝗼’𝗼 𝗶𝗻𝘁𝗲𝗿𝘃𝗲𝗻𝘀𝗮𝘂𝗻 𝗶𝗵𝗮 𝗦𝗲𝗺𝗶𝗻𝗮́𝗿𝗶𝘂 𝗡𝗮𝘀𝗶𝗼𝗻𝗮́𝗹 𝗻𝗼 𝗮𝗽𝗿𝗲𝘇𝗲𝗻𝘁𝗮𝘀𝗮𝘂𝗻 𝗿𝗲𝘇𝘂𝗹𝘁𝗮𝗱𝘂 𝗽𝗲𝘀𝗸𝗶𝘇𝗮 𝗸𝗼𝗻𝗮-𝗯𝗮 𝗢𝗶𝗻𝘀𝗮́ 𝘀𝗶𝗱𝗮𝗱𝗮𝘂𝗻 𝗻𝗶𝗮 𝗮𝘀𝗲𝘀𝘂 𝗯𝗮 𝗶𝗵𝗮 𝗺𝗲𝗶𝘂 𝗸𝗼𝗺𝘂𝗻𝗶𝗸𝗮𝘀𝗮𝘂𝗻 𝗵𝗼 𝘁𝗼𝗽𝗶𝗸𝘂 𝗟𝗶𝘁𝗲𝗿𝗮𝘀𝗶𝗮 𝗗𝗶𝗷𝗶𝘁𝗮́𝗹 𝗞𝗶𝗻𝘁𝗮-𝗳𝗲𝗶𝗿𝗮 𝗻𝗲’𝗲 𝗶𝗵𝗮 𝘀𝗮𝗹𝗮𝘂𝗻 𝗗𝗲𝗹𝘁𝗮 𝗡𝗼𝘃𝗮, 𝗙𝗼𝗺𝗲𝗻𝘁𝘂, Dili

Osorio Almeida haklaken katak , era globalizasaun ohin loron nian, nasaun hotu hotu inklui Timor-Leste, uza Plataforma dijitál hodi asesu Informasaun. Informasaun mos iha parte pozitivu no negativu. Timor Leste atu labele subar oin iha mundo nia matan hakarak ka lakohi tenki adapta aan ho desenvolvimento Globalizasaun.

VIII Governu Konstitusionál liu husi Sekretaria Estadu ba Komunikasaun Sosiál iha komitmentu hodi fo atensaun no sosializa nafatin ba sidadaun liu husi Eskola Secundario hotu, atu uza Plataforma digital ho pensamentu matenek no kritiku hodi lori dezenvolvimentu ba rai Timor Leste.

Timor-Leste nasaun kiik no joven tebes iha mundu, tanba ne’e sidadaun tenki matenek hodi aprezenta Timor-Leste nia naran di’ak no hamorin liu husi sidadaun nia utiliza Plataforma dijitál hodi kontribuisaun iha mundu nia matan no mundu nia tilun. Tamba Timor Leste iha potensiál ba futuru sai hanesan fatin turistikj iha Asean ba pensionista sira husi rai liur, ne’ebe hakarak passa vida iha Timor Leste.

Governante ne’e mós kontinua salienta katak Governu liu hosi SEKOMS lataka matan no hala’o nafatin kampaña Literasia Dijitál liuhosi sensibilizasaun literasia dijitál ba eskola sekundária sira hodi hasa’e sira nia konsiénsia utiliza Plataforma no enkoraja estudante sira atu uza internet ho matenek no saudavel hodi kontribui minimiza lia falsu ou lia laloos (Hoax) iha Plataforma dijital hanesam Facebook, Whatsaap, Instagra, nsst.

Semináriu ne’e organiza husi Departamentu Peskiza Analiza Média, Diresaun Nasionál Desiminasaun ba Informasaun-DNDI, ne’ebé hala’o sira nia peskiza durante tinan ida nia laram hahú hosi 2021, iha Timor-Leste laran tomak atu hatene persentajem komunidade nian ba iha asesu informasaun.