𝐒𝐄𝐊𝐎𝐌𝐒 𝐕𝐈𝐙𝐈𝐓𝐀 𝐆𝐑𝐔𝐏𝐔 𝐅𝐄𝐓𝐎 𝐏𝐎𝐓𝐄𝐍𝐒𝐈𝐀́𝐋 “𝐅𝐄𝐓𝐎 𝐋𝐀𝐎 𝐁𝐀 𝐎𝐈𝐍”

Bauro, 18-03-2023, Sabadu semana neé, Tékniku Espesializadu Gabinete Sekretaria Estadu ba Komunikasaun Sosiál, Cipriano Madeira pinto, reprezenta Sekretáriu Estadu ba Komunikasaun Sosiál, Merício Juvinal dos Reis “AKARA” hala’o vizita ba Grupu Feto Potensiál “Feto Lao ba Oin” iha Aldeia Luarai, Suku-Bauro, Postu Administrativu Lospalos, munisipiu Lautem.

Iha Vizita ne’e Reprejentante SEKOMS,Cipriano Madeira pinto, hateten, papel Governu nian liu husi Sekretáriu Estadu Komunikasaun Sosiál, maka nafatin Promove atividade sira ne’ebé durante Grupu feto potensiál liuhosi meius komunikasaun.

“Hanesan SEKOMS, oinsá atu promove no divulga imformasaun sira kona-ba inisiativa husi inan feton sira, ne’ébé kria grupu oinsa bele hadia ekonomia familiar nian, Hateten Madeira.

SEKOMS mós enkoraja grupu ne’e kontinua servisu makas hodi kontribui ba desenvolvimentu ekonomia familia nian , no mós kontinua habelar atividade seluk ne’ebé bele kontribui ba ekonomia komunidade sira iha suku refere.

Nune’e Xefi Grupu Feto Kreativu Potensiál “Feto Lao ba Oin”, Abelina Madalena dos Santos, ne’e haktuir inisiativa harii grupu ne’e, oinsa atu Dezenvolve Talentu Feto sira nian Liu husi, atividade ne’ebé sira hala’o, hodi Bele hetan rejultadu di’ak, ema hotu tenki servisu hamutuk nune’e bele atinji mehi ne’ebé hakarak.

“Ami Rasik mak hakarak Kria Grupu ida ne’e, oinsá para bele halo servisu nune’e bele hetan rendimentu nune’e bele ajuda oan sira ba Eskola no apoiu nesesidade familiar, entaun ita hotu hotu tenki servisu hamutuk para ema seluk bele fiar ita katak ita bele, nune’e sira mos bele apoiu ita.”

Iha Grupu ne’e fahe ba atividade ha’at hanesan, Grupu Soru Tais, Grupu hortikultura, grupu pekuaria no grupu halo dosi.

Nia haktuir durante ne’e sira seidauk hetan oportunidade ruma atu lori sira nia produtu ne’ebé sira produz hanesan tais no dosi iha aktividade nasional sira ne’ebé realiza iha Munisípiu.