SEKOMS VIZITA JOVENTUDE GRUPU HORTIKULTURA HABURAS VATU-VOU
Maubara, 10-03-2023, Sekretáriu Estadu Komunikasaun Sosial, Mericio Juvinal dos Reis “Akara”, Hala’o Vizita ba Suku Vatu-vou , Postu Administrativu Maubara,Munisípiu Liquica, hodi Observa Juventude sira ne’ebé ho inisiativa rasik Forma Grupu Hortikultura ho naran Haburas (Hakarak Buka Rasik).
Vizita SEKOMS nian ida ne’e, parte ida hodi bele inspira, liuliu juventude sira nune’e kontinua hala’o sira nia atividade hodi bele hetan produtividade diak, ho prezensa Governante nian ne’e Grupu Joventude Haburas Relata mós Sira nia preokupasaun no difikuldade ne’ebé sira infrenta liga ho sira hortikultura ne’ebé sira hala’o loroloron.
Kordenador Grupu Haburas Oldegar Coreia Santos hateten, sente kontente no espresa ho prezensa Sekretáriu Estadu Komunikasaun Sosial nian, bele hare direta saida mak sira halo iha fatin ne’e, aumesmo husu mós husu mos apoiu ba SEKOMS. Nia haktuir Aktividade ne’ebé sira hala’o ne’e, tradisionalmente sira uza deit ekipamentus manual nian, hodi bele ajuda sira bele atinji metas ne’ebe sira hakarak.
“Ami mesak jovem deit no ami ho hanoin no vontade rasik hodi hamosu ideia ida oinsa bele kria servisu rasik nemak, ami deside hamutuk hala’o atividade Agrikultura nian iha ne’e, ami uza ekipamentu tradisional fila rai ami uza deit emxada, tanba ami nia grupu ne’e foin hari ,entaun ho hanoin ida oinsa para ami bele halo servisu hodi Hetan osan rasik atu hare ba ami nia a’an no sustenta ba Familia sira, hateten Oldegar.
Produtu ne’ebé dadaun ne’e Grupu Joventude Haburas Kuda ona mak Hanesan, Mostarda, Foremungu, kankung, Forerai ,no tuir planu sira mos sei kuda tan Produtu sira seluk hanesan ,Baria ,brinjela no tomate.
Maske Grupu ne’e harii ho Inisiativa husi Juventude sira maibe sira mós hasoru difikuldade tan ne’e sira husu ba Governu atu bele tau matan mos ba sira. Difikuldade ne’ebé sira enfrenta mak material oinsa para bele ajuda ami hodi hala’o ami nia servisu ,tanba ekipamentus ne’ebé agora ami uza ne’e ami lori hamutuk deit mak hodi hala’o ami nia servisu , tan ne’e mak ami hakarak husu para Apoiu tan ekipamentus hanesan Profil hodi ense bé,Mangeira,enxada ,Aisuak.” Nia imforma.
Aleinde ne’e sira mós husu Parte relevante atu apoiu fini ba sira hanesan Modo musan, foremungu,tomate, tana produtu ne’ebe sira kuda ona ne’e fini sira sosa rasik liu husi sira nia komtribuisaun.
Tuir Fernando da Costa Lobato hateten hanesan rai na’in,ne’ebé ho fuan osan mean hodi entrega rai kuaze hektares ida ba Grupu Joventude Haburas ne’e, haktuir nia parte sente apresia tebes ho inisiativa husi Joventude sira ne’ebé mai ho sira nia aktividade rasik.
“Ha’u hanesan rai na’in hau mak fo rai ba sira hodi halo atividade ida ne’e, hau sente husi inisiativa jovem sira ne’e diak ,tanba bele hamenus mós problema iha Bairu laran.” Hateten Fernando
Hatan ba Preokupasaun husi Grupu Joventude Haburas, Sekretáriu Estadu Komunikasaun Sosial Mericio Juvinal Dos Reis “Akara”, Informa nia parte laos Promete ba Joventude sira husi Grupu ne’e maibe husu Atu hatama lista ba SEKOMS, hodi buka dalan nune’e bele hetan husi orgaun Kompetente.
“Hau la promete maibe imi halo lista ba pois Identifika saida mak imi presiza , tanba hau hare inisiativa ne’e iha ona,entaun presiza suporta, imi halo lista mai mak ita buka solusaun.” Hateten “AKARA”.
Enkuantu Grupo Haburas Hortikultura Suku Vatu’vou, Munispíu Liquica, Dadaun ne’e akumula ona joventude hamutuk Na’in 20 resin hodi hala’o atividade ne’e.
Comment