DILI (MÍDIA SECOMS) — Sekretaria Estadu ba Komunikasaun Sosiál (SEKOMS) implementa edisaun dahaat Programa “Meet The Press” 2026 ho tema “Integrasaun rejional ho Prezidensial ASEAN 2026”, ne’ebé realiza ba dahaat, iha Salão Tres de Março Maubai, CCLN, Comoro, Dili.
Objetivu prinsipál programa ne’e konsiste iha estabelese espasu diálogu aberta entre órgaun komunikasaun sosiál, hodi fasilita distribuisaun informasaun kredível ba públiku kona-ba polítika no planu Governu nian iha dezenvolvimentu nasionál.
Orador prinsipál iha programa ne’e mak Vice-Ministra Asunto ASEAN Señora, Milena da Costa Rangel, ne’ebé aprezenta perspetiva kona-ba Integrasaun rejional ho prezidensial ASEAN 2026. Programa ne’e modera diretamente hosi Sekretáriu Estadu ba Komunikasaun Sosiál (SECOMS), Sua Exelénsia Señor Expedito Loro Dias Ximenes.
Atividade ne’e remata ho sesaun pergunta no resposta entre jornalista no orador, hodi kria kobertura jornalístika ne’ebé profunda no balansu ba sosiedade Timor-Leste nian.
Programa Meet The Press ne’e hetan partisipasaun hosi média konvensionál, no plataforma média online.
Ekipa Mídia SECOMS
Comment