Sekretáriu Estadu Komunikasaun Sosiál (SEKOMS), Merício Juvinal dos Reis “ AKARA” hato’o lia hirak ne’e bainhira partisipa iha komemorasaun loron aniversáriu Kruz Vermella Timor-Leste(CVTL-Sigla Portugés), ba dala XXI, iha tersa-feira, loron 22 fulan-juñu, tinan 2021, iha Formoza, Dili. Merício Juvinal dos Reis “ AKARA” hateten, Governu apresia Kruz Vermella Timor Leste, hahú husi inisíu to agora tanba ajuda ona Governu iha tempu difisil nia laran hala’o kna’ar ho lais hodi evakua sidadaun sira ba fatin seguru wainhira akontese inundasaun, tantu iha kapitál Dili nune’e mós iha munisípiu balun iha teritóriu.
Governante ne’e mós akresenta, iha tempu difisil no iha situasaun Covid-19 , Governu husu atu Kruz Vermella Timor- Leste nafatin fó kontribuisaun makas ba Governu liu husi halo kampaña ba vasinasaun hodi enkoraja sidadaun hotu-hotu atu tuir vasina hanesan meius ida atu kombate Covid-19 iha Timor-Leste.
Comment