DILI (MIDIA SECOMS)— ASEAN Foundation hamutuk ho Fundasaun Hadomi Timor (FHT) hasoru malu ho Sekretáriu Estadu Komunikasaun Sosiál (SEKOMS) Expedito Loro Dias Ximenes, hodi ko’alia kona-ba serbisu hamutuk atu prevene ameasa hosi Scam Center ba labarik, joven no sidadaun iha Timor-Leste.
Sekretáriu Estadu Komunikasaun Sosial (SECOMS) Expedito Loro Dias Ximenes hateten, polítika governu atu kombate Scam Call Centre iha Timor Leste.
“Ami agradese ba ita-boot sira tanba bele mai ajuda ita oinsá bele kombate ameasa ne’ebé bele mai hosi Scam Call Center. Durante ne’e ita hotu hatene la’o iha ita nia rai, no Nonu Governu Konstitusionál deklara ona katak sei kombate to’o abut”.
Diretor Ezekutivu FHT Abrão Nico Monteiro hateten, ekipa ASEAN Foundation nia serbisu la’os deit iha Timor-Leste maibé iha nasaun 11 ne’ebé hola parte iha ASEAN.
ASEAN Foundation sei ajuda hodi halo kurikulu kona-ba oinsá bele halo prevensaun no halo treinamentu literasia dijitál hodi sensibiliza joven no sidadaun hotu atu komprende oinsá bele hases-an hosi scam center.
Scam center ne’e la’os ameasa deit iha Timor-Leste no ASEAN maibé ameasa ba mundu tomak.
Kurikulu ne’e sei hahú iha Outubru hamutuk ho FHT no órgaun komunikasaun sosiál sira atu sosiáliza perigu hosi scam center
Programa Scam Ready ASEAN ne’e sei halo mós manuál ida oinsá bele kombate situasaun ne’ebé bele sai ameasa ba futuru jerasaun foin-sa’e nian no sei la’o hahú fulan-Outubru 2026 to’o fin tinan 2027.
Molok hasoru SEKOMS, sira hasoru ona entidade oin-oin hanesan Ministru Transporte no Komunikasaun, TIC Timor no Ministériu Komersiu no Industria (MCI).
Reprejentante mak hanesan Senior Project Officer for Scam Ready ASEAN Intan Faradila no Project Manager for Scam Ready, Satria Ugahari hosi ASEAN Foundation no Diretor Ezekutivu Fundasaun Hadomi Timor (FHT) Abrão Nico Monteiro.
Comment