DILI, (MÍDIA SECOMS) — Sekretáru Estadu Komunikasaun Sosiál, Expedito Dias Ximenes hamutuk ho Prezidente Konsellu Diretivu Tatoli, Noemio Falcão no kargu xefia sira , iha kinta feira ne’e halo lansamentu ba Ajénsia Notisioza Tatoli nia programa foun ida ho naran “Tatioli Globál”
Serimonia lansamentu ne’e halao’o iha edefisu Tatoli,I.P Praia de coqueiros (Pantai Kelapa) Dili.
Iha lansamentu programa Tatoli Globál, Sekretáriu Estadu Komunikasaun Sosiál, Expedito Dias Ximenes Loro Dias Ximenes , hateten programa Tatoli Globál ne’e nu’dar programa ida ekselente tanba Tatoli Globál ne’e idéntiku ho Tatoli Diplomata signifika Tatoli hakarak lori Timór ba mundu liuhusi programa ne’e rasik tanba sei uza lian haat.
Nia reforsa ho prpgrama Tatoli Globál ida-ne’e Tatoli hakarak hatudu nia imajen foun iha mundu jornalizmu ka mídia nian ba iha públiku nasionál nomós internasionál.
“Objetivu husi programa ida-ne’e ha’u hein katak bele promove Timor-Leste nia polítika eksterna nomós polítika IX Governu hala’o daudaun iha área polítika, ekonomia, sosiál kulturál, defeza no seguransa inklui desportu”, dehan.
Expedito Loro Dias Ximenes akresenta ho programa ida-ne’e Timor-Leste ne’ebé daudaun sai ona membru permanente ba ASEAN, Komunikadu Páis Ko’alia Lian Portgés (CPLP), Organizasaun Mundiál Komérsiu bele hatudu nafatin Timor-Leste nia ezisténia hanesan nasaun ne’ebé hola parte iha mundu liuhusi organizasaun internasionál no rejionál ne’ebé iha.
Nune’e mos Prezidente Konsellu Diretivu Tatoli, Noemio Falcão, hateten objetivu hamosu programa Tatoli Globál atu halo mudansa tanba Tatoli antes ne’e T iha ona programa tolu mak hanesan Tatoli Klarifika, Hakbesik, Eskluziva no ohin aumenta tan programa Tatoli Globál.
Espesialmente Programa Tatoli Globál ninia foku mak ba iha atividade sira internasionál katak atividade sira ne’ebé liga relasaun Timor-Leste ho nasaun sira seluk iha mundu ne’ebé ko’alia kona-ba relasaun billaterál no oinsá mak lori informasaun barak liután ne’ebé ho motivasaun ba sosiedade Timor-Leste no ba mundu liuliu kona-ba ita-nia adezaun ba ASEAN, OMK, CPLP no seluk tan.
TATOLI,I.P hanesan ajénsia notisioza ofisiál Timor-Leste nian, iha nia estatutu rasik ne’ebé define mós nia natureza, vizaun, misaun no objetivu mak hanesan; Nune’e, bazea ba estatutu, atu atinji vizaun; redasaun TATOLI define polítika no guiaun ba atividade redasionál TATOLI nian hodi atinje meta sira.
Comment