DILI- 30/11/2022, Sekretáriu Estadu ba Komunikasaun Sosiál, Merício Juvinal dos Reis “AKARA”, partisipa aniversariu dahuluk Radiu Komunidade Defisiensia Timor Leste (RKDTL) ne’ebe realisa iha loron Quarta feira ne’e, iha salaun Fundasaun AHISAUN-Fatuhada.
Merício Juvinal dos Reis “AKARA”, iha intervensaun hateten, sente kontente tamba ohin RKDTL halo ona tinan ida, maske hasoru laloran bo’ot maibé nafatin firmi hodi fahe matenek ba malu no espresa pensamentu kritiku liuhosi meus komunikasaun ne’ebé oferese husi Governu.
“Governu liuhosi Ministru Assuno Parlamentar no komunikasaun Sosial (MAPKOMS) no Sekretáriu Estadu ba Komunikasaun Sosiál (SEKOMS), iha komitmentu nafatin apoiu komunikasaun ba Timor liuliu ema ho defisiénsia atu bele asesu informasaun iha area komunikasaun, Rádiu Komunidade defisiensia ohin ita selebra aniversariu ne’e hanesann meius komunikasaun ida deit, maibé tenke utiliza meius komunikasaun hotu hotu, tanba informasaun mak sai xave ba buat hotu” , hateten “AKARA”.
“AKARA” informa liu tan katak Governu nia vizaun no polítika maka Timor oan hotu, tuir Primeiru Ministru nia liafuan katak, labele husik ema ida iha kotuk feto mane ka atu defisiénsia ka la defisiénsia iha direitu no partisipasaun hanesan no justu. iha área komunikasaun Governu iha komitmentu fó asesu meius komunikasaun laos deit konvensionál hanesan Rádiu Televizaun deit, maibé meius komunikasaun mais modernu inklui média dijitál, Facebook, Youtube, Instagram, Tiktok nsst”.
Iha era agora se mak domina informasaun iha neetworking ka rede servisu ne’ebé di’ak nia mak sai fatór determinante ba iha era globalizasaun ba maluk defisiénsia sira labele senti marjinalizadu, tanba iha direitu hanesan atu buka informasaun, buka mós iha plataforma dijitál haneaan Google, tanba Google hanesan banku ba informasaun iha meius komunikasaun nian.
Governante ne’e mós hato’o parabéns ba Rádiu Komunidade Defisiénsia Timor-Leste aniversáriu ba dahuluk nian, maske dinamiku hasoru dezafiu oinoin maibé kontinua halo servisu hodi hatudu rezultadu ne’ebé mak di’ak.
Entertantu Serimónia aniversáriu ne’e partisipa husi Padre Adriano, TIC.Timor, KDTL, Jornalista no Maluk defisiénsia sira.
Comment