Dili- 30/11/2022, S.E, Sekretáriu Estadu ba Komunikasaun Sosiál, Merício Juvinal dos Reis “AKARA”, hamutuk ho Entidades Relevantes sira, atribui premiu ba manan nain no sertifikadu apresiasaun ba foinsa’e ne’ebé tuir kompetisaun Content Creator Youtuber Timor-Leste 2022, kuarta-feira, ne’e, iha salaun Pusat Budaya Indonesia, Merkadu Lama.
Objetivu husi programa ida ne’e maka hakarak motiva jovem ne’ebé kreativu atu esplora liu tan potensialidade iha Timor-Leste ho pensamentu kritiku no matenek hodi promove ba mundu.
Produtu kreativu hirak ne’e foin sa’e sira espresa liuhosi Plataforma dijitál ‘’Youtube’’ hodi promove Timor – Leste ba mundu no bele hakbiit sira nia ekonomia familía liu husi Profisaun hanesan Youtuber iha future. Eventu ida ne’e importante tebes atu motiva liu tán no hasa’e esperansa jovem sira oinsá tau importánsia uza Plataforma dijitál iha era mileniál, tanba mundu agora dezenvolvimentu makas tebes liu husi mudansa globalizasaun.
Tuir embaixador Indonésia ba Timor-Leste Okto Dorrinus hateten, kreativu foin sa’e sira nian hodi utiliza Plataforma dijitál hanesan youtube halo juventude barak mak riku.
Embaixadór ne’e mós husu ba jovem sira atu aproveita youtube ho konteúdu ne’ebe positivu ba moris nian.
Sekretáriu Estadu ba Komunikasaun Sosiál, Merício Juvinal dos Reis “AKARA” hateten, VII Governu Konstitusionál liu hosi SEKOMS nafatin promove foin sa’e sira nia nia talentu ho Plataforma dijitál ne’ebé mak iha, hodi foin sa’e sira nafatin halo promosaun potensialidade Timor – Leste nian ba mundu.
Foin sa’e tenki utiliza Plataforma dijitál (youtube ) ho matenek no konteúdu la’os ba negosiu ou konteúdu ne’ebé maka pozitivu seluk maibé nafatin utiliza Plataforma dijitál ho kenteudu umanidade. Hateten “AKARA”
Ezekutivu ne’e esklarese, Timor – Leste nu’udar pais kiik ida iha mundu tanba ne’e juventude tenki matenek hodi esplora potensialidade ne’ebé mak iha ba mundu.
Manan nain ba kompetisaun “Content Creator” Youtuber Timor–Leste tinan 2022 ho karakter individu no grupo mak hanesan tuir mai ne’e :
No Naran / grupo Titlu video Vencidor
1 António Ade de. A Xavier Turismo Relijioza 𝟙
2 Hipolito A.dos Santos Arte no kultura 𝟚
3 Grupu Alfa Medic Antibiotiku kura moras hotu-hotu 𝟛
4 Grupu KNHS Internet Saudavel 𝟜
5 THE GAJOG BOYS Kultura 𝟝
6 António Pinto Seremonia inagurasaun uma lisan 𝟞
7 Abilio Suni Seremonia ritual foti bua malus nudar simbol matak malirin 𝟟
8 Grupo Gbohn Turismo 𝟠
9 Grupo Centro Leste Tv online Kombate hoax 𝟡
10 Justaquiu Fabiola Lasi Explora potensial iha tasi okos 𝟙𝟘
11 Teotonio Alves Pinto Sustenta ekonomia 𝟙𝟙
12 Grupu Naroman CS18 Sira parte husi ita 𝟙𝟚
Serimónia ne’e Partisipa espesiál husi Sekretária Estadu ba Igualidade no Inkluzaun, Prezidente Konsellu Imprensa, Embaixador Indonesia ba Timor Leste, representante embaixador Australia ba Timor Leste, bainaka especial husi ekipa Universidade Indonesia (UI), ekipa juri no bainaka importante seluk ne’ebe labele temi naran ida ida.
Seremónia ne’e hetan animasaun husi artista senior Aida Perreira Belo ho banda muzika The Kraken Timor.
Comment