Afirmasaun ne’e hato’ó husi Sekretáriu Estadu ba Komunikasaun Sosiál, Merício Juvinal dos Reis “AKARA”, bainhira hala’ó diálogu komunitáriu ho komunidade suku seloi-kraik, tersa-feira, loron 16 fulan-fevereiru tinan 2021, iha sala reuniaun sede-suku seloi-kraik, Postu Administrativu Aileu, Munisípiu Aileu.
Merício Juvinal dos Reis “AKARA”, hateten ohin hahú diskuti hamutuk ho Autoridade Lokál, Xefe Suku sira, hahú hanoin ho ekipa tekniku hodi prepara ba lansamentu sentru informasaun iha suku seloi-kraik.
Durante ne’e sentru informasaun iha suku ualu pilotu ba Timor laran tomak, iha tinan ida ne SEKOMS extende ba suku rua. Tanba ne’e suku ida sei halo lamsamentu sentru informasaun iha Suku seloi-kraik no suku ida ekipa tekniku sei halo preparasaun.
“Iha diálogu komunitáriu ne’e konsentra liu ba planu ida ne’e hodi divulga informasaun kona-ba dezenvolvimentu ba ita nia rai, Covid-19 nune’e populasaun iha área rurais bele kumpri regra sira husi protokolu Ministério Saúde fó sai” tenik “AKARA”
Entertantu komunidade sira iha suku seloi-kraik, hato’ó mós sira nia preokupasaun kona-ba, infraestrutura, agrikultura no fatin turizmu.
Comment