Tersa-feira, 21 Setembru 2022, Sekretáriu Estadu ba Komunikasaun Sosiál, Merício Juvinal dos Reis “AKARA” hamutuk ho ekipa hala’o enkontru ho Diretóra Interina Klibur DifisiénsiaTilun (KDTL), Teresinha da Graça ho nia membru sira iha Sala reuniaun SEKOMS, Palásiu Governu, Dili.
Iha enkontru ne’e, Diretora Interina Klibur Difisiénsia Tilun, atualiza ba Sua Exelénsia SEKOMS kona-ba progresu servisu no rezultadu husi formasaun lian jestuál nian, nomós tradutór sira ne’ebé tuir formasaun ba etapa I no II ne’ebé maka remata ona no formasaun ba lian jestuál tuir mai ne’ebé maka tuir planu sei realiza mós iha nivel munisípiu sira.
Hatan ba ida ne’e, SEKOMS apresia ho progesu no rezultadu hotu ne’ebé KDTL sira atinji ona maibé, SEKOMS mós hakarak enkoraja nafatin ba membru KDTL sira atu bele tuir mós formasaun ba multimédia nian hodi nune’e bele aprende produs rasik notísia ka informasaun hodi fahe fila fali ba Difisiénsia Tilun sira seluk liuhosi plataforma online sira hanesan Youtube, Instagram, TikTok no sira seluk.
,){kind=link}
Comment