Sekretáriu Estadu ba Komunikasaun Sosiál, Merício Juvinal dos Reis “AKARA”, hala’ó sorumutu ho Administrador Munisípiu Aileu, João Tilman do Rego, hodi koa’lia kona-ba koordenasaun servisu oinsá dezenvolve media iha minisípiu, tersa-feira, loron 16 fulan fevereiru tinan 2021, iha sala reuniaun Administrasaun Aileu.
Merício Juvinal dos Reis “AKARA”, hateten, SEKOMS iha diresaun foun, Diresaun Nasionál Dezenvolvimentu Promosaun Media Lokál-DNDPML, hakarak desentraliza servisu media nian, nune’e atividade sira ne’ebé la’o iha munisípiu la depende ba media nasionál, nune’e hakarak dezenvolve media iha munisípiu hodi halo kobertura bele distribui notísia ba iha nasionál hodi lansa.
SEKOMS mós husu ba Administrador Munisípiu Aileu, atu kolabora servisu hamutuk hodi diversifika meius komunikasaun iha munisípiu.
Hatan ba ida ne’e, Administrador Munisípiu Aileu, João Tilman do Rego, apresia no prontu atu kolabora ho SEKOMS, ha’u sente kontente ho planu programa servisu ne’ebé SEKOMS halo hodi dezenvolve media iha munisípiu.
Tanba iha munsípiu mós presiza media atu halo kobertura no buka informasaun kona-ba aktividade iha munisípiu, tenik João Tilman do Rego
Iha sorumutu ne’e, ko’lia mós kona-ba oinsá planu tau orsamentu ba infraestrutura, atu harii media ba munisípiu.
Comment