Tékniku Jurídiku SEKOMS, José Pereira da Conceição, hato’o lia hirak ne’e, bainhira reprezenta Sekretáriu Estadu ba Komunikasaun Sosiál, Merício Juvinal dos Reis “AKARA”, partisipa iha asina kontratu kona-ba Fundus Tranferénsia Públiku ba Rádiu Komunidade sira durante fulan neen, iha sexta-feira, loron 19 fulan-fevereiru tinan 2021, iha sala ANC, Merkadu-Lama, Dili.
José Pereira da Conceição hateten, rádiu komunidade sira tenke kreativu no inovativu hodi hato’o informasaun ba komunidade sira hotu iha terenu.
Iha Tinan ida ne’e Orsamentu aloka ba rádiu komunidade menus kompara ho tinan 2019 liubá, iha tinan kotuk orsamentu aloka ba rádiu komunidade montante $15 mil. Maibé iha tinan ida ne’e orsamentu aloka ba rádiu komunidade ho montante $8 mil sei fahe ba dala rua.
SEKOMS husu maske ho orsamentu ne’ebé nato’on, husu ba Jestór rádiu komunidade sira tenke jere orsamentu ne’e ho di’ak nune’e servisu mós bele lao ho di’ak.
Comment