SEKOMS Hamutuk Ho KI, Lansa Média Youkalau.com Média
Dili, 11-03-2023, Tékniku Supervizór Gabinete Sekretaria Estadu Komunikasaun Sosial (SEKOMS), Josafat Madeira, Reprezenta S.E, Sekretáriu Estadu ba Komunikasaun Sosiál, Merício Juvinal dos Reis “AKARA”, hamutuk ho Prezidente Konsellu Imprensa Otelio Ote, hala’o lansamentu ba Youkalau.com média, iha Xanana Reading Room, Lecidere, Sabadu ne’e.
Iha serimónia ne’e, Tékniku Supervizór SEKOMS, Josafat Madeira, lori SEKOMS nia naran hato’o parabéns ba estrutura tomak no SEKOMS sente orgullu tamba iha média online foun ida ne’ebé eziste tan iha rai doben Timor-Leste hodi fó informasaun.
SEKOMS mós orgullu tamba jovem sira nafatin brani no iha komitmentu hodi harii média online foun ne’e maske hasoru dezafiu barak.
Reprezentante ne’e informa katak, SEKOMS orgullu tanba, haree kresimentu média iha Timor-Leste, sa’e ba bebeik, Ida ne’e hanesan espresaun direitu fundamentál ida ne’ebé regula iha Konstituisaun mak : Liberdade Imprensa no Liberdade Espresaun, ne’e hatudu mós katak, demokrasia iha rai ida ne’e lao iha dalan ne’ebé lo’os no di’ak.
SEKOMS nia Esperansa ba Yokalaumedia.com, susesu nafatin, servisu ho kualidade, efetivu no lais hodi kontribui Paz no dezenvolvimentu iha nasaun Timor-Leste, liuhosi transmite informasaun Ho justu no kredivel ba sidadaun, nafatin servisu tuir kode etika jornalista Liberdade Imprensa no Liberdade Espresaun, hodi nune’e bele evita informasaun HOAX ka lia falsu iha rai ida ne’e.
Iha fatin hanesan Prezidente Konsellu Imprensa Otelio Ote, sente haksolok liu tan tanba jerasaun foun sira hili atu tama iha áreia jornalizmu nian. Laos de’it atu servisu ba ema seluk maibé imi iha vontade tomak hodi hari’i média rasik. No konstitusaun Republika Demokratika Timor-Leste garatia tebes liberdade hato’o opinaun no liberdade hato’o imprensa.
“Ha’u agradese tebes tanba ita bo’ot sira iha ideia rasik servisu iha naunil média ikus mai iha kapasidade hodi hari’i média rasik”. Nia hato’o prestasaun.
Diretora Ezekutiva Yokalau Média, Evanjelina Ximenes hatete Plataforma Yokalau Media moris ho prinsipiu atu defende valor demokratiku, promove solidariedade no defende liberdade imprensa no espresaun.
Entertantu serimónia lansamentu SEKOMS mós hala’o lansamentu ba Youkalau.com nia Website no, partisipa husi media nain sira no jovem sira.
Comment