ATU MINIMIZA HOAX IHA TIMOR LESTE, SEKOMS HALA’O KAMPAÑA KOMBATE HOAX NO PROMOVE INTERNET SAÚDAVEL, BA ETV LIQUICA
Liquica, 09-03-2023, Kinta-feira ne’e, atu minimiza lia falsu (Hoax) nomos desakredita informasaun , Sekretaria Estadu ba Komunikasaun Sosiál, Hala’o Kampaña Nasionál Kombate HOAX no Promove Internet Saúdavel, Liu husi Sensibilizasaun Literasia Dijitál, ba Estudantes Sekundáriu Tecnico Vocasional Saõ João Brito, iha Postu Administrativu Liquica villa, Munisipiu Liquica.
Husi Plataforma oi-oin ne’ebé dadaun ne’e existe iha Timor leste, mak Estadu iha hanoin oinsa, atu kontrola sidadaun sira hodi utiliza Internet ba buat ne’ebé Positivu no Benefisiu ba Futuru, Governo sei la hapara transformasaun dijitál sira hanesan ne’e ,maibe Governu nia hanoin hakarak prepara nia sidadaun sira,tanba iha era sira hanesan ne’e sidadaun sira tenki utiliza olataforma digital ho matenek.
Tuir Sekretáriu Estadu ba Komunikasaun Sosiál, Merício Juvinal dos Reis “AKARA” hateten, VIII Governu lideradu husi, Jenderal Taur Matan Ruak, liu husi Sekoms, nafatin tau prioridade ba Kampaña Nasionál Kombate HOAX no Promove Internet Saúdavel, Liu husi Sensibilizasaun Literasia Dijitál, hodi prepara sidadaun hotu, liu-liu estudantes sira hodi prepara aan ho matenek wainhira utiliza plataforma dijital ho saudavel no seguro, tamba internet iha informasaun positivu no negativu tamba neé, VIII Governu nia papel maka oinsa utiliza internet ba humanidade ( intenet for humanity) ho saudavel.
Wainhira sidadaun sira utiliza plataforma ho matenek maka bele promove potensial munisipiu Liquica nian bam undo hodi dada investidor nomos turista husi rai liur mai visita fatin ne’e.
Iha futuru sidadaun sira bele hetan rendimentu dereta no indereta husi aktividade ne’ebe nia resultadu mai husi utiliza plataforma digital ho pensamento kritiku no matenek.
“Agora era diplomasia dijital, tanba ne’e sidadaun ne’ebé iha Kanal Youtube,Facebook ,Instragram ,Tiktok ne’e bele Promove ona Potensia Liquica nian , konta tuir istoria Liquica ba nasional no ba Mundu ,entaun ho era dijital ida ne’e sidadaun sira bele asume ona Kna’ar ida ne’e. Uza ita nia Dijital promove ita nia kreatividade,ita nia potensial Suku no Aldeia nian,Munisípiu nian para ema hotu bele hatene,Turista no Investores sira bele mai loke kampu servisu iha ita nia rai, ida nemak Sucesu ne’ebé ita bele halo wainhira ita hola parte iha Diplomasia Digitalizasaun.” Hateten “AKARA”
Plataforma dijitál sei la ses husi infraestrutura internet, entaun Governu sei asegura nafatin direitu ida ne’e, maibé Governu mós desenvolve ona projetu cabo submarinu husi nasaun Australia mai Timor Leste nomos empresario Timor Oan lubuk ida komesa ona atu investe iha Cabo Sub Marinu husi nasaun Singapore mai Timor Leste, neé sinal katak iha futuru kustu no rede ba internet iha Timor Leste sei diak liu no baratu. Hateten “AKARA”.
Governu nia hakarak mak sidadaun Timor-Leste, hotu hotu iha kapasidade, skill utiliza média sosiál ho pozitivu no matenek, hodi promove rai ida ne’e, e sai mós diplomata, no promove ba nasaun no mundu kona-ba Dezenvolvimentu Timor nian. Hateten ‘’AKARA”
Entertanu Prezidente Konsellu Imprensa, Otello OTE, hateten katak, Promove Liberdade Imprensa no Liberdade Espresaun iha ambitu transformasaun dijitál iha Timor-Leste hateten, iha Konstituisaun RDTL Asegura liberdade Imprensa no liberdade Espresaun hakerek iha artigu 40/41 asegura liberdade fo espasu ba ema hotu atu espresa nia liberdade.
Lider numero 1 iha Konsellu Imprensa neé reforsa tan katak KI nafatin kopera ho Sekoms hodi fahe informasaun liu husi Kampaña Nasionál Kombate HOAX no Promove Internet Saúdavel, Liu husi Sensibilizasaun Literasia Dijitál neébé durante neé lao ona.KI nafatin tau matan ba media digital sira neébé maka produs noticia hodi lases husi kode etico journalista tamba neé KI sei nafatin kontrolu media no produto husi journalista sira.
Reprezentante Plan Internasional, Jose Neves hatete katak, Iha tinan 2021 ita haree katak, iha 578 ne’ebé mak utiliza Facebook barak ne’e persentajen karik bele dehan 80%, tuir fali mak Whatsap 197 ne’ebé mak utiliza Whatsap, iha YouTube iha 195, TikTok 67, Messenger 35, Tuiter 17, Instagram 35.Ba sira ne’ebé mak uza plataforma ha’u mensiona iha ne’e, entaun iha hela de’it 17, entaun pertense sira ne’ebé mak uza iha plataforma sira ne’ebé mak anunsiu.
Atu dehan tan katak, meus saida maka PLAN halo atu bele hasoru Prevensaun ba HOAX, entaun agora saida mak PLAN halo, ne’e mak ohin mai ho SEKOMS ne’e ita sensibiliza nafatin, PLAN nafatin fó formasaun ba estudante juven sira iha Ainaru, Aileu, Dili, Baukau, Vikeke, Lospalos no mós iha RAEOA, oinsá atu bele utiliza plataforma sira ne’ebé mak ita kordena atu bele komabte HOAX ne’e.
Iha diskursu ne’e maka tenke halo mós Plan Internasional iha Timor Leste sempre nafatin halo kampañia liu-liu ligadu ba kampañia ne’ebé di’ak dala barak feto sira iha onjidu ne’e sempre halo ida ne’e, para oinsá bele promove alin feto sira ijola aan liu-liu alin feto sira oinsá bele iha diretu hanesan mós mane sira, tanba ne’e mak PLAN nafatin sosializa ou kampañia nafatin.
Iha biban ne’e mos Adjunto Sekretáriu Munisípiu Likisa Antonio Da Costa Pinto ,Deklara Ho Kampanha Nasional ida ne’e Nudar Autoridade Munisípiu Likisa ba oin sei kontinuaDivukga imformasaun hirak ne’e ba sosiedade no Joventude Sira.
Diretor Eskola Tekniku Vokasional Likisa Julio Alves Dos Santos hateten, Kampanha Nasional Sensibilizasaun Literasia Digital no Promove internet ne’e, bele ajuda ona Estudantes sira oinsa sira bele uza Internet ho lolos,liu liu publikasaun imajen ka Imformasaun sira iha Plataforma Facebook ,Whatsapp ,youtube no seluk tan.
“Sira mak futuru nasaun ,entaun atraves ho ida ne’e sira tenki prepara a’an ona, selae husi buat sira hanesan ne’e bele Estraga mós sira ,entaun ho Informasaun ne’e sente Interesante tebes ba alunus sira.” Hateten Julio
Estudantes sira husu atu SEKOMS nafatin tau atensaun ba programa refere atu nune’e kontinua sensibiliza to’o area remotas sira.
Comment