Sekretáriu Estadu ba Komunikasaun Sosiál, Merício Juvinal dos Reis “AKARA” hato’o lia hirak ne’e ba jestór no jornalista, bainhira hala’o vizita ba Rádiu Komunidade “Ili-Wai” Manatuto hodi haree diretamente servisu funsionamentu rádiu komunidade nian.
Vizita ne’e hala’o iha sexta-feira, loron 12 fulan-Fevereiru, tinan-2022, iha edifísiu Rádiu Komunidade “Ili-Wai”, munisípiu-Manatuto.
Merício Juvinal dos Resis “AKARA”, tempu kampaña no Eleisaun Prezidensiál EL-PRES, besik dadaun tanba ne’e husu mós ba jerente no jornalista neutro ba kobertura, nune’e oferese mos antena rádiu “Ili Wai” ba festa demokrásía ne’e ho responsabilidade.
Governante ne’e husu ba jornalsita no jerente rádiu komunidade Ili-wai atu servisu ho professionál hodi garante funsinamentu rádiu refere.
Iha fatin hanesan Diretor Nasionál DNPDML, Jose da Costa, hateten planu diresaun nian sei hala’o formasaun ba kobertura no live direita ba atividades kampaña no Eleisaun Prezidensiál 2022.
Entertantu Jestor Rádiu Komunidade Ili-wai, Manatuto, Laurente Soares Freitas ho Konselho Rádiu preukupa ho kondisaun infrastrutura, transporte no ekipamentu komunikasaun ne’ebé seidauk to’o atu responde ba atividades hirak ne’e maibe sei buka meius hodi responde.
Comment