Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o lia hirak ne wanhira partisipa iha entervista exkluzivu kona-ba inundasaun ne’ebé akontese iha kapitál Dili iha loron 4 abril, ne’ebé organiza husi Institutu Republikanu-IRI iha programa “Ko’alia ba Ha’u”, Kinta-Feira, loron 22 fulan-fevereiru tinan 2021, iha Hotel Timor, Dili.
Merício Juvinal dos Reis “AKARA”, afirma Governu rekoñese inisiativa sidadaun hotu-hotu durante kalamidade ne’ebé akontese iha loron 4 abril liu ba, ne’ebe hatudu komunidade rasik apoia malu iha prosesu evakuasaun no deslokasaun inklui apoiu umanitáriu sira seluk.
“Husu ba sidadaun hotu atu kontribui ho voluntáriu, pratika di’ak hirak ne’e hamutuk hodi kontinua fó apoiu ba malu no husu ba entidade hotu atu halo komunikasaun nafatin”. Dehan “Akara”.
Tuir “Akara”, Governu mos kontinua hadia infraestrutura hamutuk ho sidadaun sira hodi hatan ba kalamidade ne’ebé afeta ba komunidade sira.
Hanesan membru Governu hakarak apresia ho komunikasaun sosiál liga ho IRI ne’ebé fasilita komunikasaun entre membru Governu no Deputadu ho populasaun sira.
Iha entervista exkluzivu ne’e partisipa mós husi Eselénsia Sekretáriu Estadu Protesaun Sivil, Joaquim José Gusmão, Deputada, Isabel Ximenes no Prezidente CVTL, Madalena Hanjam.
Comment