Sekretáriu Estadu Komunikasaun Sosiál, Merício Juvinal dos Reis “AKARA” hato’o lia ne’e wainhira sa oradór ba iha diálogu ne’ebé realiza hosi Forum Organizasaun Naun Governamentál Timor-Leste-FONGTIL, iha tersa-feira, loron 15 fulan-fevereiru, tinan-2022, iha sala reuniaun “FONGTIL”, Caicoli, Dili.
Merício Juvinal dos Reis “AKARA”, hateten, mídia hotu iha obrigasaun no dever halibur no divulga informasaun ne’ebé los no kredível ba públiku ho karakter informativu no edukativu ba sidadaun sira.
SEKOMS husu ba mídia STATAL no Rádiu Komunidade RAKOM iha teritóriu atu kría balansu hodi servi estadu tanba hetan apoiu subsidiu husi governu.
Tanba ne’e Merício “Akara” hateten SEKOMS hanesan kanál Governu nian hodi divulga informasaun ba povu liu husi meius komunikasaun ne’ebé iha liliu mídia estadu no mídia privadu sira iha Timor Leste.
Diákogu ne’e partisipa hosi Diretór SASCAS, Diretór DNPDML, Diretór CEFTEC, reprezentante ONG “FONGTIL”, tekniku espesializadu SEKOMS no sosiedade sivil.
Comment