Sekretáriu Estadu ba Komunikasaun Sosiál, Merício Juvinal dos Reis “AKARA” partisipa segunda-feira loron 02 fulan-marsu tinan 2020 iha semináriu ne’ebé hala’o iha Sentru Konvensaun Dili (CCD), iha ámbitu komemorasaun loron Nasionál Veteranus ba dala tolu, ne’ebé monu iha loron 03 fulan-marsu tinan 2020.
Antes realizasaun semináriu, hala’o uluk selebrasaun misa iha Jardin dos Herois de Matinaro, ne’ebé tuir kedas ho kari aifunan iha loron 01 fulan-marsu, hodi fo honra ba kontribuisaun husi mártires, kombatentes no veteranus ne’ebé mak luta ba independénsia Repúblika Demokrátika Timor-Leste (RDTL).
No iha loron 3 fulan-marsu, selebrasaun Loron Nasionál Veteranus, sei hala’o iha Palásiu Governu, Díli ho atividade sira hanesan, serimónia isar bandeira FRETILIN, FALINTIL no CNRT, diskursu no marsa veteranus husi palásiu governu ba CCD, tuir kedas ho almosu konfraternizasaun no divertimentu.
Komemorasaun loron nasionál ne’e sei taka ho serimónia hatun bandeira nasionál iha Palásiu Governu, Díli.
Comment