Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho Vise-Ministru Interior, Antonio Armindo, segunda-feira, loron 22 fulan-marsu, tinan 2021, iha sala reuniaun Ministériu Interior, Vila-Verde, Dili.
Merício Juvinal dos Reis “AKARA”, hateten, iha enkontru ne’e, hodi koordena servisu oinsá tau ideia no esforsu hamutuk hodi kombate HOAX iha Timor Leste, tanba agora ema lansa informasaun HOAX aumenta makas liu husi media sosiál relasiona ho kazu COVID-19.
SEKOMS realsa tan katak alende ho MI, sei ko’alia ho media sira hodi ajuda públiku oinsá prepara sidadaun sira atu uza Plataforma online ho pozitivu, responsabilidade no sivilizadu.
Iha sorin seluk, Vise-Ministru Interior Antonio Armindo, fó apresiasaun ba SEKOMS ne’ebé esforsu makas hodi servisu ho entidades tomak ba kombate HOAX.
Tanba koordenasaun servisu ne’e importante no husi parte Ministériu Interior prontu kolabora hamutuk ho PNTL hodi identifika no evita HOAX ne’ebé espalla iha komunidade nia leet, tenik, “Antonio Armindo”.
Governante ne’e realsa , nia parte mós sei koordena ho parte PNTL hodi hare asuntu refere.
Comment