Xefe Gabinete Sekretaria Estadu ba Komunikasaun Sosiál, Osório Almeida, hato’o informasaun ne’e, hafoin halo entervista ho media Gabinete, Sabadu, loron 10 fulan-abril, tinan 2021, iha SEKOMS, Palásiu Governu, Dili.
Osório Almeida, hateten, MAPKOMS no SEKOMS prepara hela lista, desde horiseik ekipa SEKOMS koordena ona ho Ekipa Ministériu Saúde atu hahú fasilita prosesu Vasinasaun ba Jornalista Liña Frente sira.
“Ne’e duni Ekipa SEKOMS sei komunika no koordena ho maluk media sira atu hahú hatama naran sira ne’ebé atu tuir Vasinasaun COVID-19”, tenik Osório Almeida.
Aleinde ne’e mós Xefe Gabinete MAPKOMS no SEKOMS komunika ba malu hodi servisu hamutuk hodi mobiliza Jornalista Liña Frente sira tuir vasina COVID-19 nian iha tempu besik.
Comment