Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho Professor sira husi Kosultóriu Lingua ba Jornalista.

Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho Professor sira husi Kosultóriu Lingua ba Jornalista (CLJ-Sigla Portugés), iha kuarta-feira, loron 23 fulan-juñu, tinan 2021, iha edifísiu SEKOMS, Palásiu Governu, Dili.
Objetivu husi enkontru ne’e CLJ aprezenta progresu servisu ba SEKOMS, ne’ebé mak ekipa Konsultóriu Lingua ba Jornalista oferese mai Timor-Leste.

Projetu ne’e hala’o ona hahú iha tinan 2016 to’o 2020, CLJ hadia ona jornalista no profision’al sira husi Governu hamutuk ema nain-211 iha nível portugés no halo ona akomapañamentu ba produsaun konteúdu informativu iha lian portugés hamutuk rihun 13 resin.

Iha enkontru ne’e ekipa aprezenta mós iha unidade formasaun ka apoiu iha área Lingua Portugés ba Jornalista, Matematika ba Jornalista, Lingua Portugés ba Instituisaun media sira seluk no Unidade ida kona-ba peskiza iha área jornalizmu.

Iha enkontru ne’e akompaña mós husi Asesora Jurídika Gabinete SEKOMS, Asesora Gabinete SEKOMS no Téknika Espesializadu SEKOM.