𝐆𝐎𝐕𝐄𝐑𝐍𝐔 𝐍𝐀𝐅𝐀𝐓𝐈𝐍 𝐒𝐄𝐍𝐒𝐈𝐁𝐈𝐋𝐈𝐙𝐀 𝐋𝐈𝐓𝐄𝐑𝐀𝐒𝐈𝐀 𝐃𝐈𝐉𝐈𝐓𝐀́𝐋 𝐍𝐎 𝐆𝐀𝐑𝐀𝐍𝐓𝐄 𝐒𝐈𝐃𝐀𝐃𝐀𝐔𝐍 𝐇𝐎𝐓𝐔, 𝐔𝐓𝐈𝐋𝐈𝐙𝐀 𝐈𝐍𝐓𝐄𝐑𝐍𝐄𝐓 𝐇𝐎 𝐒𝐀𝐔𝐃𝐀́𝐕𝐄𝐋

Dili – 14/12/2022 . Atu garante internet saudavel ba sidadaun, Kuarta – feira neé VIII Governu Konstitusional liu husi Sekretaria Estadu ba Komunikasaun Sosiál, apela ba sidadaun liu husi, Dialogu Governu ho grupo Juventude potensial Munisípiu-Dili, ne’ébe realiza iha salaun Sentru Formasaun CCYC, Comoro, Dili.

Plataforma Dijitál mak sai meius komunikasauun hotu hotu, hanesan pipa ida ne’ebé kanaliza informasaun ba ema hotu iha pozitivu no mos negativu.

Liu husi atividade ne’e SEKOMS nafatin sensibiliza literasia dijitál ba juventude potensiál munisípiu-Dili atu utiliza plataforma dijitál ho pensamentu matenek no kritiku.

Plataforma Dijitál mak sai meius komunikasaun hotu – hotu, hanesan pipa ida ne’ebé kanaliza informasaun ba ema hotu hotu, informasaun iha pozitivu no negativu , tamba ne’e husu ba juventude potensiál atu nafatin utiliza plataforma dijitál ho pensamentu pozitivu.

Plataforma dijitál ne’e ajuda ita hodi dezenvolve ita nia aan, familia, komunidade no nasaun. Dehan “AKARA”

Internet mak hanesan banku ba informasaun tanba nee sidadaun ne’ebe utiliza Telemovel matenek (Smartphone), tenki matenek tamba telefone matenek (Smartphone) ne’e utiliza husi ema ne’ebe matenek (smartpeople) liu kompara ho telefone matenek (Smartphone).

Wainhira sidadaun utiliza plataforma dijitál ho matenek no buka informasaun iha Google, geogle sempre fo fali resposta ho diak , klaru no lais liu, wainhira sidadaun utiliza plataforma dijitál la ho matenek mak sei lahatene informasaun ne’ebé lalos no informasaun negativu deit.

Ezekutivu ne’e esplika katak, era agora informasaun mak poder no forsa. Tanba era dijitál ema domina informasaun nia mak manda, entaun informasaun ne’e mak poder, durante 24 oras nia mak iha poder fahe informasaun no simu informasaun.

Nasaun atu ba oin ka ba kotuk, depende sidadaun sira utiliza plataforma dijitál ho matenek.

Wainhira sidadaun kanaliza informasaun laloos ou informasaun falsu ( HOAX), liu-liu informasaun ne’ebé lansa husi ema sira ne’ebe kakutak foer laiha responsabilidade hodi hamosu , Gosip, Issue, hodi hamoe no hamonu ema nia personalidade. Ne’e signifika ema sira ne’e kontribui ba desinformasaun.

Atu evita lia lalos no lia falsu (HOAX ) maka sidadaun sira ne’ebe utiliza plataforma dijital tenki nafatin iha pensamentu kritiku. Exemplu wainhira simu informasaun tenki cek nia fontes, konteudu no labele fahe ka share tutan informasaun ne’ebe lansa husi individu sira ne’ebe laiha responsabilidade.

SEKOMS mós akresenta tan katak, Governu garante sidadaun nia direitu asesu ba internet, hanesan direitu foun ne’ebé mundo ohin loron nian. No la bandu sidadaun atu utiliza plataforma dijital tamba xave mak internet.

Entertantu Programa literasia dijitál ne’e iha ambitu programa nasionál kombate lia falsu (HOAX), no mós partilla asaun governativa nian ba públiku liu husi diálogu.

Orador ba diálogu ne’e mak Visé Prezidente Parlamentu Nasionál, Maria Angelina Lopes Sarmento, ne’ebe koalia kona ba “Papel Parlamentu Nasionál ba Asuntu Juventude iha Era Dezenvolvimentu Nasaun”. Reprezentante Diretór Ezekutivu SASGAS, hato’o ho topiku “Papel servisu apoiu sosiedade sivil no auditória sosiál ba inisiativa Instituisaun no Grupu Jovem Kreativu”.

Partisipa iha diálogu ne’e mak hanesan, Prezidente Autoriedade Munisípiu-Dili, Administrador Postu Administrativu Dom Aleixo, Diretór Interinu CCYC, membru Juventude sira husi CCYC, Funsionáriu SEKOMS no Jornalista sira.