Sekretáriu Estadu ba Komunikasaun Sosiál, Merício Juvinal dos Reis “AKARA”, hato’o afirmasaun ne’e bainhira hamutuk ho Embaixadór Portugál, José Machado Pedro Vieira. hala’o vizita kortezia ba edifísiu Konsultóriu Lingua ba Jornalista(CLJ-Sigla Portugés), segunda-feira ne’e, loron 26 fulan-jullu, tinan 2021, iha edifísiu-CLJ, Bairru-dos Grillos, Dili.
Merício Juvinal dos Reis “AKARA” orgullu tanba Jornalista Timor oan domina ona Lingua portugés, tanba ne’e Revizor CLJ informa katak notísia iha lian portugés iha media Tatoli,IP, RTTL,EP no seluk durante ne’e sei erro uituan iha ¾ % deit maibé kuaze 95% di’ak ona.
“AKARA” hatutan tan iha vizita kortezia ne’e atu haree progresu servisu durante CLJ hala’o desde iha Bebora, maibé tanba ho kondisaun ladun sufisiente , agora muda fali mai iha Bairru-dos Grillos, aproveita hodi haree sira nia kondisaun servisu no espasu sira, agora sufisiente ona ho formasaun hahú lao ona.
“Hanesan ohin ita haree dadaun jornalista sira partisipa ativu iha formasaun portugés, iha Balide no CCI TL sira mós hahú partisipa iha formasaun lingua no formasaun jornalista nian inklui jestaun krize, protokolu no relasaun públiku” tenik “AKARA”.
Iha Vizita ne’e SEKOMS hatutan ho Embaixadór mai vizita ne’e hodi hetan serteza katak, kondisaun hotu di’ak, espasu iha, fasilidade ekipamentu sufisiente nune’e kontinua formasaun tanba formasaun importante ba jornalista sira la’os atu domina de’it lingua maibé domina mós tékniku jornalizmu nian, rua ne’e tenke la’o hamutuk no kolabora ho Embaixada Portugál no Instituto Camões.
Ikus liu, SEKOMS apresia no agradese ba apoia husi Embaixada no Instituto Camões kuaze 100%, ne’ebé hahú iha tinan kotuk reprezenta Governu desidi servisu hamutuk ho parseiru sira.
Entretantu, revizor hamutuk nain sanulu ho formador internasionál no revizor aumenta tan nain tolu hodi haree notísia husi Tatoli,IP, RTTL,EP, GMN, Timor-Post no seluk tan.
Iha Vizita Kortezia ne’e, akompaña husi Diretór Interino CEFTEC no funsionáriu husi CEFTEC
Comment