SEKOMS Distribui Premiu ba manan nain kompetisaun “Content Creator” Youtube ba Jovem sira

Merício Juvinal dos Reis “AKARA”, hateten, serimonia fahe sertifikadu no premiu ba manan nain sira ba video 14 ne’ebe mak selesiinadu hanesan “Top 14” ho variedade durasaun Video balu minutu 3 no minutu 4.

“AKARA” hatutan Governu apresia ho talentu no kreatividade joven sira liu husi Fasilita Opurtunidade ba joven hodi espresa sira Nia matenek.

“Hau hanoin ita iha dever no responsabilidade atu kanaliza sira nia matenek no talentu sira ne’e, Governu hanoin iha situasaun pandemia Covid-19 ida ne’e ita husu mós sira nia kontribuisaun liu-liu produz Content ne’ebé mak pozitivu no ne’ebé mak apoia Governu nia esforsu sira iha situasaun ida ne’e, sira kontribui para ba halo kampaña ba vasinasaun e husu mós sira nia kontribuisaun oinsa atu kombate lia falsu HOAX (Fake News), husu mós promove potensia iha rai laran iha area Turizmu, kultura no seluk tan”, dehan “AKARA”.

“Liu husi kompetisaun ida ne’e hau rona husi ita nia juri sira kuaze 86 jovem sira mak partisipa ho video 86, maibe juri halo selesaun kriteriu ne’ebé mak sira aplika konsege hetan video 14 mak kategoria di’ak no iha video 14 ne’e sei hili 6 ne’e mak diak liu mak sei hetan apresiasaun makas no restu mós sei hetan apresiasaun kategoria seluk.” dehan “AKARA”.

Ezekutivu ne’e mós apresia jovem ualu nulu resin neen, ne’ebé mak kontribui inisiativa rasik hodi espresa sira nia talentu fasilidade rasik hodi kontribui video mesak di-diak.

Governante ne’e realsa, video ne’ebé tama iha selesaun 14 sai hanesan parseiru estratejiku Governu nian kontinua nafatin produz video pozitivu iha setor hotu-hotu bele kontribui ba Governu no sei halo promosaun ba potensia pozitivu nasaun nian iha era dijitál uza plataforma dijitál ho pozitivu hodi eduka no motiva sidadaun sira bele uza plataforma digital ho matenek, kapasidade ho responsabilidade hodi lori sivilizasaun ne’ebe mak diak ba nasaun ida ne’e.