Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o diálogu ida ho Administardór Munisípiu Lautem, Domingos Savio, Administradór Postu-Administrativu Iliomar, Jacob dos Reis, Autoriedade Postu-Administrativu Iliomar, Veteranus sira, iha sabadu, loron 25 fulan-setembru, tinan-2021, iha edifísiu Postu-Administrativu-Iliomar, Munisípiu Laútem
Iha diálogu ne’e, Merício Juvinal dos Reis “AKARA”, ko’alia kona-ba preparasaun atu instala Rádiu Komunidade iha Postu Administrativu-Iliomar.
Iha fatin hanesan Administradór Munisípiu Lautem, Domingos Savio, husu ba autoriedade lokál no veteranus sira Postu-Iliomar atu koopera nafatin ho Governu nune’e bele estabelese rádiu komunidade iha Postu-Iliomar.
Hatan ba ida ne’e, Administradór Postu-Administrativu Iliomar, Jacob dos Reis, mós sente kontente no hato’o agradese ba SEKOMS no Postu-Iliomar prontu atu implementa no estabelese rádiu komunidade iha futuru.
Hatan ba ida ne’e Xefe Suku Postu Administrativu-Iliomar, hato’o agradese ba SEKOMS ho nia komitiva tomak, ne’ebé iha planu ne’ebé di’ak ba futuru Iliomar liu husi rádiu komunidade.
Iha sorumutu ne’e akompaña husi, Administardór Munisípiu Lautem, Padre Paroco Iliomar, Comandante PNTL, Autoriedade Postu-Administrativu Iliomar, Veteranus sira, Diretór DNPDML no Teknika Espesializadu SEKOMS.
Comment