Koordenadora Konsultóriu Lingua ba Jornalista(CLJ-Sigla Portugés), entrega relatóriu ba SEKOMS kona-ba formasaun lingua nian ne’ebé durante ne’e CLJ fó ba jornalista sira.
Sorumutu ne’e, hala’o iha kinta-feira, loron 28 fulan-Outubru, tinan-2021, iha Palásiu Governu, Dili.
Koordenadora CLJ, Claudia Alves Taveira hateten, CLJ sei koopera nafatin ho SEKOMS hodi fó formasaun ba jornalista sira iha futuru oin mai tanba formasaun hirak ne’e bele fasilita no hasa’e koñesimentu ka kapasidade jornalista sira nian, durante CLJ fo formasaun ba jornalista sira mak hanesan Lingua Português, Matemática, no siensia sira seluk.
Entertantu, Xefe Gabinete SEKOMS, Ozorio Almeida apresia no agradese ba ekipa CLJ tanba fó ona formasaun ba jornalista sira oinsa atu hatene haklean liu tan iha kna’r vida jornalizmu nian.
Iha sorumutu ne’e, partisipa husi Diretór CEFTEC, funsionáriu CEFTEC no Formador/a husi CLJ.
Comment