Tékniku Profesionál, Josafat Madeira, reprezenta S.E, Sekretáriu Estadu ba Komunikasaun Sosiál, Merício Juvinal dos Reis”AKARA, ensera formasaun lingua jestuál ba faze daruak nomós atribui sertifikadu ba formadus hamutuk 15, sexta-feira, loron 08 fulan-jullu,tinan-2022 ho tema ” Mai ita asegura komunikasaun ida efetivu no inkluzaun iha Timor-Leste, Koalia ho Ami nia Liman no Rona ho Ami nia Matan” iha edifisiu KDT-TL Matadouro Dili.
Iha oportunidade ne’e reprezentante SEKOMS sujere atu formador sira utiliza plataforma dijitál hodi habelar lian jestuál ba maluk foin sae sira ne’ebé iha interese atu aprende. no mós utiliza plataforma dijitál atu divulga informasaun lolos no kredivel ba maluk difisiénsia sira.
Reprezentante ne’e mós husu ba maluk difisiénsia sira atu hakbesik an ba Rádiu Difisiénsia ne’ebé SEKOMS estabelese iha tinan kotuk (Novembru 2021) iha Edifísiu AHISAUN, nune’e hodi halo podcast hodi divulga informasaun, kreatividade no talentu ne’ebé maluk difisiénsia iha atu hatudu ba públiku katak imi mos bele para labele hetan deskredita iha sosiedade imi hela ba.
Iha atividade enseramentu ne’e Diretóra KDT-TL agradese ba SEKOMS nia apoiu ba KDT -TL durante ne’e, wainhira KDTL-TL inísiu ho ema nain 2 depois aumenta ba nain 4 no agora numeru aumenta bebeik desde hetan apoiu husi SEKOMS iha tinan 2019 to’o agora no husu atu kontinua nafatin apoiu.
Partipa iha atividade enseramentu formadu lian jestuál etapa daruak ne’e Diretór DNPDML-MAPKOMS, Reprezentante Diretór Edukasaun Inkluzivu, Diretór Asuntu Difisiénsa MSSI, Diretóra KDTL-TL ho nia estrutura, Profesora Eskola rekorente DepartamentuI nkluzaun, Tékniku Profisionál SEKOMS no Formador, Formadu no Maluk Difisiensia Sira.
Comment