Sekretáriu Estadu ba Komunikasaun Sosiál, Merício Juvinal dos Reis “AKARA”, partisipa iha reuniaun reuniaun Plenaria, tersa-feira, loron 02 fulan-Agosto, tinan-2022, iha uma fukun Parlamentu Nasionál, Dili.
Antes tama ba periódu Ordem do dia, deputadu sira diskuti kona-ba justifikasaun falta husi deputadu Dário Madeira, Deputada Cidalia Mesquita Ximenes no deputada Isabel Maria B.F. Ximenes.
Hafoin justifikasaun falta, deputadu sira halo substituisaun temporaria ba deputadu Antoninho Bianco, Felix da Costa-Anin Buras no Deputada Helena Martins Belo no Cidalia Mesquita Ximenes, Deputadu Joaquim dos Santos, Maria Angelica Rangel da Cruz dos Reis, Lidia Norberta dos Santos no Fabião de Oliveira.
Hala’o mós substituisaun temporaria ba deputadu Luis Geraldo Ximenes de Oliveira no Deputadu José Agostinho Sequeira Somoxo; entertantu deputadu sira halo mós aprezentasaun relatóriu ba komisaun infraestrutura relasiona ho vizita fiskalizasaun ba Munisípiu Manatuto, no tuir kedas ho deklarasaun polítika bankada parlamentar.
Iha intervensaun Diversas, Deputadu sira hato’o preokupasaun liga-ba edukasaun, transporte, justisa, ekonomia, infraestrutura, subsidiu liña frente PNTL, kombustivel no vizita Prezidente Repúblika nian ba nasaun Indonésia.
Hatan ba preokupasaun deputadu sira nian, liga ba Estrada ne’ebé liga munisípiu-Ermera, Atsabe inklui Letefoho husi parte Leste-nian husi munisípiu-Lospalos bá Lore.
Sekretáriu Estadu ba Komunikasaun Sosiál, Merício Juvinal dos Reis “AKARA”, informa katak iha prosesu tenderizasaun no halo hela dezeñu se kuandu hotu ona, sei hahú husi Postu-Lore no Iliomar. Informa mós katak iha munisípiu Ermera to postu-Letefoho nian foin tama iha prosesu tenderizasaun.
Liga-ba subsidiu Frontline PNTL nian, informasaun ne’ebé SEKOMS simu husi Ministériu Interior katak, PNTL simu ona falta deit fulan rua nian no prosesu ne’e iha ona Ministériu Finansas.
Entertantu iha intervensaun ne’e, SEKOMS hato’o mós kona-ba HOAX ne’ebé espalla iha media sosiál sira katak Konbustivél ou gazolina no gazoel iha Timor Laiha ona, Primeiru Ministru halo intervensaun hodi fo hanoin kedan ba públiku atu lalika preokupa tanba informasaun ne’e HOAX.
Enkuantu preokupasaun sira seluk ne’ebé seidauk fó resposta, SEKOMS sei enkamiña ba ministériu kompetente atu buka solusaun.
Comment