Sekretáriu Estadu ba Komunikasaun Sosiál, Merício Juvinal dos Reis “AKARA”, hala’o enkontru ho alumni nain rua ( Elidio A. Guterres no Hermenegildo Xavier) husi Universidade Gadjah Mada (UGM) Indonesia, ne’ebé agora halao sira nia profisaun hakerek livru, dosente no funsionáriu públiku.
Enkotru refere realiza iha kuarta-feira, loron 14 fulan-Setembru, tinan-2022, iha sala reuniaun SEKOMS-Palásiu Governu, Dili.
Objetivu husi enkontru hodi halo diskusaun kona-ba atu produs livru ida ba SEKOMS nia mandatu iha VIII Governu Konstituisional iha futuru oin mai.
Entertantu iha enkontru ne’e, SEKOMS apresia no diskusaun ho alumi nain rua husi UGM ne’e, nu’udar jerasaun foun ne’ebé maka iha hanoin inovativu no iha kapasidade no esperiénsia tebes atu hakerek livru.
SEKOMS mós husu ba Xefe Gabinete hodi orienta Tékniku Espesializadu sira atu hamutuk ho alumni nain rua ne’e hodi bele kontribui informasaun, dadus no ideia nune’e bele konsege produz livru ne’e ho susesu.
Iha fatin hanesan alumi Elidio A. Guterres, agradese ba SEKOMS tanba bele fó fiar hamutuk ekipa, atu bele prepara materia hodi produs livru refere.
Elidio Guterres mós hato’o katak, sei hala’o kordenasaun servisu ho percetan/impresora iha Indonesia kona-ba oinsa atu bele imprimi no hetan legalidade ho standarte lisensa International “Book Number/ISBN no QR Code Book Number/CR CBN”.
%20husi%20Universidade%20Gadjah%20Mada%20(UGM)%20Indonesia,){kind=link}
Comment