Ainaro – Ekipa Sekretaria Estadu ba Komunikasaun Sosiál hamutuk ho ONG Plan Internasionál hahú servisu hamutuk ba programa, kampaña nasionál ba online seguru ho literasia dijitál ne’ebé sei implementa iha loron Sexta feira, 9 fulan Dezembru tinan 22, iha Suku Foho Ailico, Postu Administrativu Hato Udo, Municipiu Ainaro.
Durante ekipa SEKOMS ho Plan Internasioná, hala’o koordenasaun hodi survey ho autoridade local hanesan Administradór Munisípiu Ainaro, Sr. Leovigildo Amaral Pereira no Administradór Postu Administrativu Hato Udo, kona-ba “Kampaña Nasionál ba online seguru” iha semana kotuk, nune’e parte lideransa lokál sei avisa ba komunidade iha área refere atu partisipa masimu.
Tarjetu husi programa kampaña nasionál ba online seguru ho literasia dijitál maka komunidade, juventude iha Suku Foho Ailiku. Programa kampaña nasionál ba online seguru ho literasia dijitál nia objetivu maka oinsá atu fahe informasaun ba komunidade no juventude sira oinsá atu usa internet ho seguru ou online seguru.
Comment